Pamilya

Sabi ng iba sila daw yung kasa-kasama natin simula nong umpisa. Sa unang pagdilat palang ng ating mga mata nandyan na sila nag-aabang at nagsasaya......Sana nga all diba???

Ang pamilya ay ang mga taong nagbibigay inspirasyon at saya sa atin. Sila yung lagi nating pinanghuhugutan ng lakas sa mga panahong bagsak na bagsak na tayo. Sa pamamagitan nila mas lumalakas ang loob natin.

Ang pamilya din ang gumagabay at nangangaral sa atin upang hindi tayo mapariwara sa buhay. Pero minsan ang pagiging mahigpit din ng pamilyang ating ginagalawan ang nagiging dahilan ng ating pagiging suwail dahil tayo bilang bata,dalaga at binata ay may mga nais gawing hindi naman nais ng ating pamilya. Dahil sa nagkakasalungat tayo sa mga desisyon humahantong tuloy sa puntong lumalayo na ang loob natin sa kanila yung tipong akala natin hindi tayo mahal sa kadahilanang hindi tayo sinusupurtahan sa mga gusto natin. Pero kapag dumating tayo sa puntong sinunod natin ang gusto natin at hindi naging maganda ang resulta saka pa lamang natin maiisip na tama pala ang ating pamilya.

Kaya sa bawat desisyon natin kailangan din nating isaalang-alang ang opinyon nila kasi paano nga kung mali ka at tama sila diba wala namang masama kung pakikinggan natin sila dahil ang tanging gusto lang naman nila ay mapabuti tayo diba???

Thank you sa pagbabasa see you sa next article ko💖💖💖