Tanging Hiling

Karaniwang hinihiling

Ng taong mapaghambing

Ay magkaroon ng yaman

Na hindi nauubos kailan man

Ang iba naman ay kalusugan

Upang siguro ay hindi muna makita si kamatayan

Dahil hindi pa nila nasusulit ang kabataan

Dahil hindi pa maiwan ang kasintahan

Ako'y nagtanong ng paulit-ulit

Ang saking isipan ay gumuguhit

Bakit kaya hindi ko mapilit

Isipin ang aking pangarap kahit ilang pihit

Bagkus ay wala nga talaga akong pangarap

Dahil ba ako'y mapagpanggap?

Batid kong ako'y nasa alapaap

Yun pala sarili ay hinahanap

Naparito't naparoon

Ang kasagutan ay meron

Meron akong pag-asang bumangon

Mula sa kalungkutan kong nakakulong sa kahon

Sarili ay di matagpuan

Kahit sino man ay lapitan

Walang maibigay na kasagutan

Sa napakahirap na katanungan

Ano nga ba ang tangi kong hiling?

Ang pamilya'y muling makapiling?

Ang kasintahang muling iibigin?

O sarili muna ang iisipin?