Lalawigan ng Bataan at Siyudad ng Balanga, nakatanggap ng parangal mula sa PCCI
Sa ginanap na 46th Philippine Business Conference and Expo kahapon, Oct. 8, ikinagagalak ko pong ibalita na kabilang ang Pamahalaang Panlalawigan ng Bataan at ang Pamahalaang Panlunsod ng Balanga sa mga nabigyan ng Special Citation mula sa Philippine Chamber of Commerce and Industry (PCCI)’s Most Business Friendly Local Government Unit (LGU).
Ang award pong ito ay bilang pagkilala sa mahusay na pamamalakad ng pamahalaan upang isulong ang kalakalan at pagnenegosyo para sa ikabubuti ng mga mamamayan.
Kabahagi po kayo ng ating pamahalaan sa karangalang ito at makakaasa po kayong patuloy nating pag-iibayuhin ang pagbibigay ng serbisyo publiko para sa kapakanan ng bawat Bataeno.
