Heto nanaman ako
Maingay ang isipan at tila may ideyang gustong kumawala
May hawak na ilang pirasong papel at panulat
Nakatingin sa kawalan at umiisip ng magandang pamagat
Imahe mo ang bigla kong nakita
Hindi na ako nagdalawang-isip pa
Ikaw, ikaw ang magiging paksa
Sa muli kong isusulat na tula
Nasabi ko na ba sa 'yo?
Napakaganda ng mga mata mo, mahal ko
Patuloy pa rin akong humahanga at natutunaw sa paraan ng pagtitig mo
Tila mahirap nang alisin ang binibigay mong kakaibigang epekto sa sistema ko
Mahal kita at ang lahat ng bagay tungkol sa 'yo
Mula sa pinaka-korni mong mga biro
Mula sa pagtawa mong madalas ay nadadala ako
At lalong-lalo na sa patuloy mong pagpapakatotoo
Mapagod man ako sa pakikipagsapalaran sa mundo,
Mayroon naman akong ikaw na laging pahingahan ko
Makasalubong man ako ng hindi mabilang na temptasyon at tukso,
Patuloy mong tandaan na ikaw — ikaw lang ang tahanang uuwian ko
Kaya mga pagdududa at pangamba mo ay iyong alisin
Dahil hindi mo man minsan napapansin
O hindi ko man madalas na bigkasin
Mahal kita ngayon, at patuloy pa ring mamahalin
Hindi man sang-ayunan ng lahat ang nararamdaman ko
Hindi man paniwalaan ng marami na ikaw lang ang gugustuhin ko
Mahal, walang saysay ang opinyon ng ibang tao
Ang mahalaga at dapat na panghawakan mo ay ang ikaw at ako — tayo.
Sinulat ni: @charmingcherry08
*Ang Lead Image na ginamit at mula sa libreng mga litrato sa Unsplash.
——————————
Sana nagustuhan ng lahat! Salamat sa pagbabasa. This is my first ever Tagalog poem published in this site. I hope you guys also suggest some topics! 😍🤗
——————————
UPDATE: I already published the English version of this one. If you are interested, here is the link: https://read.cash/@charmingcherry08/a-poem-for-you-fd203848
——————————
Mayroon kang talento sa paglikha ng tula. Maari mo itong ibahagi sa nakakarami dahil maaari kang maging isang manunulat sa hinaharap.