read.cash Log in
@carisdaneym2 edited more from that month

Tatay

You don't need to read this. hinaing ko lang to sa buhay. I am not supposed to write an article today but something bad happened right now. I don't know what to do. I can't even say it properly. Gusto ko lang mabawasan yung bigat na nararamdaman ko ngayon. Kanina ang saya saya ko pa nga at sobrang busy kakabasa ng articles at masyado akong busy sa gadgets ko. Hindi ko namalayan na tanghali na pala. Kauuwi lang ni tatay galing bukid hindi ko na pinansin kasi ganon naman palagi, nakaluto naman na ako kaya makakakain na siya. Nalaman ko na umalis pala siya gamit ang sasakyan ng aking nakatatandang kapatid para magsauli ng modyul ng aking mga kapatid na nasa elementarya pa lamang. Ganoon naman ang nakasanayan ko na dahil siya naman palagi ang gumagawa ng mga ganoong bagay para sa amin. Napakapasipag ng tatay ko sa totoo lang, napakaresponsable at wala na akong mahihiling pa bukod sa malusog na pangangatawan at humaba pa ang buhay niya. Kanina narinig ko na nakabalik na siya, wala akong kaalam alam naaksidente pala siya kanina at yung barangay tanod ang naghatid sa kanya dito sa bahay. Kung hindi niya pa sabihin na nahihilo siya hindi ko malalaman na naksidente pala siya. Tiningnan kong mabuti yung buong katawan nang humiga siya sa folding chair namin. Puro dugo at gasgas na kaniyang mukha, hindi ko alam gagwin ko kumuha ako ng alcohol at bulak para sana linisin ang sugat niya pero nanginginig ang kamay ko. hindi ko kaya, hindi ako sanay na ganon ang sitwasyon niya. Nasanay ako na kahit sobrang malala yung sugat niya ay kayang kaya niya tiisin dahil sanay na sanay ang katawan niya. Pero iba ngayon, dala na rin siguro ng katandaan niya kung bakit nanghihina na ang katawan niya ngayon. Mabuti na lang bago ako umiyak ng umiyak ay nagawa ko pang balitaan ang mga kapatid ko na wala dito sa bahay ako lang ang nandito dahil nasa trabaho silang lahat pati ang aking ina. Hindi ko na alam gusto ko lang isulat 'to dito kasi isa to sa nakapagpapagaan ng kalooban ko. Pasensya na talaga, Ngayon andito na ang mga kapatid ko, mabuti nalang sampu kaming magkakapatid dahil kung hindi, hindi ko talaga alam gagawin ko. yung iba galing sa bayan yung iba nasa bukid pero nang malaman nila kalagayan ni tatay nandito na sila agad. sobrang mahal ko yung tatay ko pero wala akong nagawa kanina kung hindi umiyak at hayaan silang gumawa ng aksyon. Hindi ako mabulaklak sa mga salita na sinasabi ko sa kanila na mahal ko sila pero pinapakita ko yun sa araw-araw, tuwing umaga at hapon ipagtitimpla ko siya ng kape, lulutuan ko ng mga ulam na masabaw dahil gustong-gusto niya iyon at para hindi siya mahirapan sa pagkain. Sobrang madamdamin akong tao. Napaka emosyonal ko at naiinis ako sarili ko dahil habang nag ta-type ako dito ay pilit pa ring tumutulo ang luha ko na akala mo gripo na hindi napatay ng isang linggo. Ngayon nakaalis na sila para ipatingin sa doktor ang aking ama, sana lang hindi malala ang nangyari sa kanya, hindi ako makasama dahil natatakot ako at isa pa naka quarantine pa rin tayo par makaiwas sa virus. Sana lang talaga lord bigyan mo pa ng mahabang panahon si itay, gusto ko makita niya na lahat ng pagod, hirap at sakripisyo niya sa mga anak niya ay may napuntahan at gusto ko na masaksihan niya kaming nakasuot ng itim na toga. Sa sampung anak mo, tatlo na ang napagtapos mo, dalawa ang nasa kolehiyo, dalawa ang nasa high school level at dalawa sa elementary ang isa man sa iyong anak ay masaya na dahil pamilyado na siya at biniyayaan ka ng apo. Tay laban lang malapit na kami, onting hintay nalang maiingat ka na namin. Mahal kita tay, hindi ko masabi ng harapan pero alam na alam mo iyan. ikaw ang the best sa lahat, kaya siguro wala pa akong kasintahan dahil wala pa akong nahahanap na katulad mo, nakakatuwa din ang love story niyo ni nanay dahil 18 years ang tanda mo sa kanya pero nagagwa mo pa rin unawain ang ugali niya. Tay para sa inyo to lahat, yung pag iipon ko ng BCH dito para to sa inyo lahat. lahat para sa iyo dahil ikaw lang nag iisang tatay ko. Sorry sa rants,ngayon kalmado na ako. edited **Update:**

Nakauwi na sila at dumating na din yung result, buti naman okay lang siya sobra akong nag alala sayo tay. Palakas ka pa ha a :>

39 comments

Log in to join in Reading is open to everyone. Replying needs an account.