@bheng620 13 July 2021 more from that month

Pinagtagpo, Ngunit Hindi Tinadhana

Magandang gabi po sa lahat, kumusta po kayo? Ang artikulo ko po para sa gabing ito ay base o hango sa aking karanasan at sa isang kanta, lol, ipagpaumanhin at sana maintindihan po ninyo ang tema o ipinapahiwatig ng aking isusulat sa gabing ito, ang buhay po talaga eh napakaraming sorpresa, sa isang iglap, ika'y masaya, sa isang iglap, ika'y hindi na, ngayon, sisimulan ko na po ang aking isusulat, sana po magustuhan ninyo, lol.

Pinagtagpo, ngunit hindi tinadhana, ang lahat ay nauwi lamang sa wala. Pinagtagpo, ngunit hindi tinadhana, hindi maiwasang isipin kung saan ako nagkulang. Pinagtagpo, ngunit hindi tinadhana, hindi maintindihan kung saan ako nagkamali o kung sino ang may mali. Pinagtagpo, ngunit hindi tinadhana, sa loob ng dalawang taon, ang lahat eh nauwi lamang sa wala. Pinagtagpo, ngunit hindi tinadhana, kailangan ko na bang kalimutan kahit ako'y masasaktan? Pinagtagpo, ngunit hindi tinadhana, sadya bang magpalaro ang tadhana't ang puso? Pinagtagpo, ngunit hindi tinadhana, mainam bang kalimutan nalang para sa aking sariling kapakanan? Pinagtagpo, ngunit hindi tinadhana, hindi maiwasang balikan ang nakaraan, ang masasayang sandali na alam kong hindi ko na makakalimutan. Pinagtagpo, ngunit hindi tinadhana, nakakapanghinayang ang dalawang taong relasyong iningatan at pinagsamahan. Pinagtagpo, ngunit hindi tinadhana, bakit ang sayang naramdaman eh parang panandalian lamang? Pinagtagpo, ngunit hindi tinadhana, bakit sadyang parang napakadali lamang ang magpaalam? Pinagtagpo, ngunit hindi tinadhana, hindi maiwasang tanungin ang aking sarili kung ito ba talaga ang aking kapalaran? Pinagtagpo, ngunit hindi tinadhana, bakit ang sakit eh hindi agad mawala-wala? Pinagtagpo, ngunit hindi tinadhana, sa isang iglap, ang sayang naramdaman eh parang bulang naglaho't napunta lamang sa kalangitan. Pinagtagpo, ngunit hindi tinadhana, ito ang aking napala dahil agad akong naniwala't nagtiwala. Pinagtagpo, ngunit hindi tinadhana, ngayon, ang sakit at luha ay parang malabo ng mawala. Pinagtagpo, ngunit hindi tinadhana, ito siguro ang paraan ng Maykapal at tadhana para sabihin na hindi siya ang aking kapalaran? Pinagtagpo, ngunit hindi tinadhana, siguro hindi talaga kami ang para sa isa't-isa. Pinagtagpo, ngunit hindi tinadhana, ang sakit at lungkot na aking nararamdaman, hanggang kailan ko ba mararamdaman? Pinagtagpo, ngunit hindi tinadhana, sa aking hinagap, hindi ko inakala, sa isang iglap, ang lahat ay parang naulit sa simula. Pinagtagpo, ngunit hindi tinadhana, ako ba ang nagkamali't nagkasala? Pinagtagpo, ngunit hindi tinadhana, sadya bang magpalaro ang kapalaran o ika'y sinusubukan niya lamang? Pinagtagpo, ngunit hindi tinadhana, ngayon, parang uulit at magsisimula na naman sa wala. Pinagtagpo, ngunit hindi tinadhana, ngayon nagtatanong sa aking sarili, anong rason o dahilan, bakit ganito ulit ang aking naranasan at nararamdaman, ako ba ang nagkamali't nagkulang o sadyang may ibang dahilan lamang? Pinagtagpo, ngunit hindi tinadhana, para akong bulag na nangangapa sa dilim at hinahanap ang liwanag. Pinagtagpo, ngunit hindi tinadhana, saan ako nagkamali't nagkasala, 'yan ba ang aking napala dahil napakadali kong maniwala't magtiwala? Pinagtagpo, ngunit hindi tinadhana, ngayon, ako'y parang naulila at parang bata na nawala sa kanyang pamilya. Pinagtagpo, ngunit hindi tinadhana, saan ako ulit magsisimula kung siya na ang aking naging simula, ang naging rason ulit para maging masaya at muling magmahal at magtiwala? Pinagtagpo, ngunit hindi tinadhana, ako ba ang uuwi o maiiwang sawi dahil lamang sa isang pagkakamali? Kami ba talaga'y pinagtagpo, ngunit hindi talaga tinadhana? Iyan ang aking tanong sa aking sarili na sana ay mahanapan ko agad ng sagot kung hindi man, puwede bang ikaw na lamang ang sumagot? Pinagtagpo, ngunit hindi tinadhana, saan ako ulit magsisimula kung ang naging rason o dahilan ko ay bigla nalang nawala? Pinagtagpo, ngunit hindi tinadhana, ang malaking tanong na nasa aking isipan sa ngayon na pilit kong hinahanapan ng sagot o kailangan ko na lamang ibaon iyon sa limot?