read.cash Log in
@Zcharina22 more from that month

Ganap ngayong Linggo!

Hello! Kamusta ang lahat? Sana okay lang kayo. Ngayong linggo daming ganap sa akin ngayon. Una, napagpasyahan kong baguhin yung daily routine ko dahil the past few days paulit-ulit nalang yung ganap sa aking buhay nakakabagot na parang wala ng bagong mukha at walang bagong view. Nakakapanghina iyong paulit-ulit nalang yung ginagawa. Paano ko ba hinarap yung araw ko today. Simple lang sinimulan ko yung araw ko sa pagdadasal at nanood ng misa on line. Napakagaan ng daloy ng araw ko today kahit nagkanda sugat-sugat yung kamay ko sa paglalaba ng damit ni ate. Nag-request siyang labahin ko ang kanyang damit dahil medyo inuubo pa siya baka pasukan siya ng lamig kapag siya pa ang maglaba. Maliit na bagay lang yun para sa akin pero binigyan niya pa ako ng pera. Ayaw ko sanang kunin pero yung kapatid kong lalaki kinuha niya at pinangbili ng ulam ngayong hapon okay na rin yun haha. Yung ate namin gusto niya kanya-kanyang laba ng damit para maging responsible kaming lahat na hindi umaasa sa iba depende nalang kung may karamdaman. Kaninang alas tress ng hapon ay binalitang pwede na kaming lumipat ng bahay kase nakalipat na daw yung umuupa sa baba (first floor). Sa august pa sana kami lilipat pero nagpa-extend yung nangungupahan ng isa pang buwan at ngayon na sila lumipat. Excited na akong lumipat dahil masikip dito sa amin, nakakatamad lumabas ng kuwarto para umihi sa gabi dahil sa salas ukupado ng dalawa kong kapatid at isang pinsan namin doon sila naglalatag ng kutson para matulog Baka kasi maapakan ko sila haha. Dahil mas malaki sa baba mas mataas na din ang bayad. (Nasa second floor kase kami) Dito sa amin ngayon ay 3500 per months isa lang ang kwarto sa baba may dalawang kwarto at malawak na salas, kitchen at cr 6,000 naman yung upa. Buti nalang nakapasok na sa public school ang ate naming isa kaya napagpasyahan na nilang lumipat kami sa mas maluwag na bahay. Kay anti pa rin yung uupaan namin sa mas malawak ngalang discounted kami ng 500 pesos malaking tulong na din ito para sa amin. Sinabihan nila kaming pwede ng bumaba pero sabi ni ate sa otso nalang daw para swerte daw. Mapamahiin din kase si ate hehe. Binisita namin kanina yung bahay ayun malawak nga, kasya na kaming lahat pwede pa magpa overnight ng bisita. Minsan nahihiya yung kapatid kong dalhin ang mga college friends niya dito sa bahay dahil masikip. Tapos sa taas sa mini garden nila anti ay free kaming manguha ng kanilang pananim. Kami ata nakakaubos ng malunggay, kangkong, sili at gabi nila haha. Nasasayang lang din kase minsan eh hindi naman sila palaging nag-uulam ng ganun kaya sabi nila open lahat ang pananim nila sa taas. Kahit wala kaming sariling pananim dito may inaani pa rin kami dahil sa kabaitan nila. Siguro ito yung mamimiss ko at hahanap-hanapin ko pag umuwi ako sa Ilocos yung kabaitan ni anti ay iba sa lahat. Salamat sa Diyos dahil binigyan niya kami ng mabait na Anti wala akong masabi sa kanila dahil open na open kaming lahat sa kanila. Pumunta ako sa terrace kanina nagulat ako ang dami ng pananim ni anti ang yayabong pa. Nakakainggit pero kung nandoon kami sa taas parang amin na rin haha. Gusto ko kasing baguhin yung araw ko today imbes na magkulong sa bahay buong araw para naman marefresh ng konti yung mata at utak ko.

Salamat sa pagbasa! Pasensiya na walang picture sa bahay gusto ko sanang ipakita kaya lang hindi pa masyadong malinis sa baba at nakalimutan kong dalhin yung phone ko kanina.

26 comments

Log in to join in Reading is open to everyone. Replying needs an account.