Naalala nyo ba?
sa kwento ng pagliligtas sa mga israelita,
iniutos ng Diyos na manatili sila
sa loob ng kanilang tahanan
upang sila ay maligtas
sa salot na kamatayan
Naalala nyo ba?
sa kwento ng pagliligtas ng mesiyas
sa gabi ng pagtupad sa pagliligtas
nanatili si Jesus at mga alagad
sa isang silid para maghapunan
at maghugas
Pansin nyo ba?
upang tayo ay maligtas sa pandemiko
manatili sa bahay ang utos ng gobyerno
para di mahawa at makahawa tayo
Pero higit sa utos ng gobyerno
mas napansin ko ang pagkilos ni Kristo
muli niya tayong pininid sa tahanan
nang sa pagdaan ng kamatayan
di tayo mapabilang
Ipininid Niya tayo sa tahanan
kung saan tayo ay makakaramdam ng kaligtasan
mahugasan paalis ang mikrobyo dulot ng kasalanan
makapag salo salo sa hapag para resistensya ay lumakas
Mas napansin ko ang kadakilaan ni Kristo
ang pandemikong ito ay naganap
sa panahon ng pagalala natin sa kanyang kamatayan
gayon din sa muli Niyang pagkabuhay
Mas nadama ko ang pagmamahal ni Kristo
sa kabila ng pagdami ng mga apektado
dumami pa ang nagdarasal para matapos na ito
at inilapit tayo sa ating mahal sa buhay
na nalilimutan natin dahil sa ating trabaho
Naalala ko pa,
paano daw magdasal sabi Niya?
MAGKULONG sa isang silid,
ipinid ang pinto at mga bintana,
at buong kababaang loob
na sa Ama ay dumulog
At, sa palagay ko
ang mabisang gamot sa pandemiko
habang naka - lockdown
mag -bow down,
Magdasal nang may kababaan
(hugasan ang kamay na simbolo ng pagdarasal)
para ang koronang sakit
gawin muli ni kristo
na koronang langit.