Usa ka Binuhat nga Giluiban sa iyang Hinigugma.

1 78
Avatar for SwertresFanaticsOzamis
2 years ago
Topics: Kinabuhi, Pagluib

Sa panahon na kami magmalipayon kanunay tungod kay sa adlaw-adlaw magkauban sa Pagkan-anay, Pagtulogay, Pagsimba, ug sa uban mga lakaw anaa siya kanunay sa akong kiliran. nakaingon ko sa akong kaugalingon na "ka swerte ba kanako nga aduna akoy hinigugma na andam makig unong, mosabot sa kanunay, ako na siguro ang tawo sa kalibotan nga adunay usa ka binuhat na ang Tim-os niyang gugma ug nako ngadto kaniya nagkatakdo".

Milabay ang panahon na kinahanglan mopahilayo ako sa iyang kiliran aron mahatag ko ang tanan ngadto niya na wala pa kini naangkon sukad-sukad sa iyang kina buhi. subo pamalandungon na magkalagyo kaming duha, apan nagkasabot kami ug nakauyonay kaming duha tungod sa mga pangandoy ug Kaugmaon kanamo.

sa usa ka tuig, maayo ang among tinagdanay sa mga tawag o video call.ang sweetness namo walay pagkupas, mopukaw siya sa taknang oras aron maligo ako, manawag siya aron tan awon ako magkaon ug uban pa. ang mga message kanamo walay paghupas sa binadsanay na pulong na makatandog sa kahiladman, makadasig sa matag adlaw.

Pagpakli sa unang bulan sa lain hut-ong sa katuigan, bisan busy kaayo ko sa akong trabahoan dili gayud kalimtan ang mga naandan na kalihokan.. manawag kaniya, mo message sa maanindot na Hugpulong na para kaniya, mga pagdayeg kaniya ug uban pa. apan talagsa na kini mobaylo or mobalos sa maong mga mensahe sa inbox, dili na susama kaniadto na bisan tulog pa ako manawag kini, kay lagi gimingaw na siya kanako. ako motubag, ako siyang gidasig ug hatagan maayong pulong na dili siya angay mahuyang, ug dili siya maguol kay ang tanan akong gibuhat para among kaugma-on. moreply siya sa mensahe apan dili na matam-is ang mga garay niini nga pulong, ang matag pulong na mabasa ko na lamang ay gikapoy na siya, gilaay na siya.daghan siya gibuhat, naa siyay lakaw lain na importante.

usa ka higayon, nangutana ako kaniya kung aduna ba akoy kulang ngadto kaniya? ang tubag sa akoa,... ".. gikapoy na ako sa atong relasyon na lagyo kada usa...kung tinuod ka nga nahigugma kanako dili ka mopahilayo kanako.dili ako kuntento niining buhat nga sa Videocall lamang kita magkitaay, dili ako makaigwanta nga wala ka sa akong kiliran. sultihan ka nalang nako nga adunay tawo na andam mohatag kanako ug dakong kalipay, magbulag na kita.. ang mga gamit nimo ako ng gihatud sa imong mga ginikanan.

Sa pagkabasa nako niining mga pulonga, kalit nahugno akong kaugalingon na dili masabtan ang maong kasakit, kasilag, kapungot, kasuko sa iyang gibuhat ngari kanako.ang iyang pagsalikway, iyang gidagmalan ang akong kaayo ngadto kaniya. dili diay tanan babaye na masaligan, aduna pud diay mga babaye na kulang sa pagsalig.

6
$ 0.00
Avatar for SwertresFanaticsOzamis
2 years ago
Topics: Kinabuhi, Pagluib

Comments

Nalipay ako nga aduna usab diay pareha kanako nga mosulat sa lunsay nga binisaya. Kay ang uban dili na lunsay sinagulan na pinulongan nga banyaga. Tam-is pukawon kanunay ang atong pinulongan diin gibuhi nato ug wala kalimti kung kinsa kita ug diin kita gikan.

Ang gugma dili masabot kay nag depende kini sa tawo nga nahigugma. Adunay mga tawo nga hugot ang gugma, ang uban ang gugma pinasikad sa butang. Busa dili nato mabasol kon ang usa ka binuhat dili hugot ang paghigugma, mawagtang kon wala na kini sa kiliran, Miingon na lang kita dili siguro sila para sa usag-usa.

$ 0.00
2 years ago