ثلاثين سبب كفيلة تخليك تكره الشتوية

1- انك تاخد قرار حمام رح يكون قرار صعب جداً

2- كل ما حتفوت عالحمام كم البن رحعبى مي

3- كل ما حتغسل ايدك كم الكنزة رح يتعبى مي

4- اذا كنت سمين فتياب الشتوية رح تخليك تبين اسمن

5- كاسة المتة على طول متلجة

6- رح تقرف حالك من البرد

7- الشوارع معباية طين

8- ما بتقدر توقف عالشباك او البرندا

9- ايديك ورجليك متلجين 24/24

10- الشتوية مليانة شوربة عدس

11- بتصير تفوت عالتواليت كتير

12- الجلي بيتحول لضغط نفسي و تحدي

13- انك تقوم من تحت البطانية رح تكون المهمة المستحيلة

14- تغير تيابك الدافية وتلبس الباردة كرمال تروح عالدوام

15- ما فيك تلبس البوط الابيض

16- الغسيل بيقعد اسبوع عالمنشر مشان ينشف وبتطلع ريحتو

17- صوت صفير الهوا الصبح مستفز

18- صوت الرعد والبرق

19- النزلة من البيت وش الصبح والجو مغيم ومسقع

20- الشتوية الوانها غامقة مقتة

21- الشتوية بتحسسك بالجوع فحتاكل كتير وتسمن

22- مناخيرك حتبرد

23- الاكتئاب يلي الجروح للشتوية

24- الدنيا بتعتم على بكير

25- الشفايف والايدين بتنشف و تشقق و البشرة بتصير جافة

26- الشتوية فيها دوام من الصبح بكير جامعة الخ ..

27- فواكي الصيف اطيب من فواكي الشتوية بكتير

28- ما بدك لازم تتأكد من الجو اول

29- كلنا منحب المطر بس انو تكون ماشي بردان والدنيا كمان تمطر عليك فهي مقبولة بالمرة.

30- لو بدك تلبس جرابات وشحاطتك ام الاصبع انت متخيل قديش بدك تعاني؟

بالنهاية كل حدا الو رأيو الخاص وذكرياتو يلي بحب يسترجعها بالشتوية ...

وأصعب شغل 31 ... انو محروقات مافي وأزمة طلب عليها و هاد الشي رح يخليك تكره حالك

و لا تقولولي البيست فريند بدفيني ترى بجوز ما تشوفو الا ع النت