Kagabi ang lakas lakas nang ulan. May kasama pang kulog at kidlat. Ang mga anak ko medyo natakot sa lakas nang tunog nang kulog. Base sa lakas nang ulan akala ko hanggang sa umaga na ito, walang tigil dahil buong gabing umulan nang pagkalakas lakas.
Ngayon, pagkagising ko, pagbukas ko pa lamang nang pintuan ay bumungad na agad sa akin ang isang magandang tanawin. Maliwanag na kalangitan, sinag nang araw kayganda nga namang pagmasdan. Para bang sumagi sa isip ko na, matapos ang malakas na bagyo sa buhay natin, darating at darating ang magandang umaga nang hindi natin inaasahan.
Maswerte tayo na mabigyan nang panibagong araw upang pagmasdan ang kapaligiran, makasama ang ating mga mahal sa buhay dahil hindi lahat ay nararanasan ito. Matuto tayong magpahalaga sa bawat araw na naibibigay sa atin. Magpasalamat tayo sa Panginoon.
Magandang umaga po. New start at read.cash. Have a nice day 🌄