Laging sorry nalang ba?

Ang mag asawang Rodel at Tina ay masayang namumuhay. Kasamang ng kanilang tatlong anak. Nakapagpatayo sila ng sariling bahay at malaki laking tindahan. Nakabili din sila ng isang sasakyan. Maganda ang trabaho ni Rodel at malaki ang kinikita nito kaya madali silang nakapag ipon. Nakakapag aral ang tatlong anak nila sa mataas na paaralan. Masaya si Tina sa buhay may asawa. Dahil para sa kanya perpekto na ito at wala ng magiging problema. Minsan sinubok sila ng malaking suliranin ng magkaroon ng mga barkada ang kanyang asawa.

Nalulong ito sa masamang bisyo. Alak,sigarilyo,at droga mula noon nag iba ang pag uugali ni Rodel ang dating mabuting asawa at mapagmahal na ama ay nag iba.

Lagi itong umuuwi ng bahay nila na lango sa alak at pinagbabawal na gamot, nagtatalo lagi ang mag asawa at humahantong pa sa pananakit ni Rodel sa asawa at ang mga pangyayaring ito ay nasasaksihan ng kanilang mga anak. Halos araw araw itong nagaganap at paulit ulit na umihingi ng sorry si Rodel sa asawa.

Lumipas ang mga araw. Lalong naging malala si Rodel ninakawan lagi nya ang kanilang tindahan. At humantong sa pagkalugi nito. Naapektuhan ang pag aaral ng kanilang mga anak dahil sa pangyayaring iyon. Naubos ang mga ipon nila. Naipagbili ang sasakyan at nasangla ang kanilang bahay dahil sa bisyo in Rodel. Naghirap ang pamilya in tina at halos wala na silang makain sa araw araw. Nagdurusa ang kalooban in tina dahil di nya magawang iwanan ang asawa nito. Sa laki ng pagmamahal sa asawa naging bulag bulagan nalang ito sa mga pangyayari.

Tunay na walang dalang maganda ang bisyo sa buhay ng tao. Nasasadlak sa kahirapan, paghihirap ng kalooban, pagkawatak watak, pagkasira ng buhay at iba pa. Sa buhay ng dalawang karakter na ito an paghingi ng sorry ay hindi sapat dahil ito ay nauulit lamang. At wala sa puso ang tunay na pag hingi ng kapatawaran.