Mga Halimbawa ng Sawikain at kanilang Kahulugan

Mga Halimbawa ng Sawikain at Kanilang Kahulugan

Narito ang mahigit 200 na mga halimbawa ng sawikain, kahulugan, at kung paano ito ginagamit sa pangungusap.

1. Abot-tanaw

Kahulugan: Naaabot ng tingin
Halimbawa: Abot-tanaw ko na ang aking pangarap.

2. Agaw-buhay

Kahulugan: Naghihingalo; malapit nang mamatay; muntik nang maputulan ng hininga
Halimbawa: Agaw-buhay na nang dalhin sa ospital ang lola ni Andrea.

3. Agaw-dilim

Kahulugan: Malapit nang gumabi
Halimbawa: Bilisan na natin dahil mag-aagaw dilim na.

4. Ahas

Kahulugan: Taksil, traydor
Halimbawa: Alam mo namang ahas iyang si Belinda, bakit kinaibigan mo pa?

5. Alilang-kanin

Kahulugan: Utusang walang bayad, pakain lang, pabahay at pakain ngunit walang suweldo.
Halimbawa: Kawawa naman ang alilang-kanin na si Perla.

6. Alog na ang baba

Kahulugan: Matanda
Halimbawa: Alog na ang baba ngunit ayaw pa rin tumigil sa pagta-trabaho ni Lolo Lito.

7. Alsa balutan

Kahulugan: Naglayas
Halimbawa: Nabalitaan ko na nag-alsa balutan daw ang anak mo.

8. Amoy pinipig

Kahulugan: Mabango, nagdadalaga
Halimbawa: Hindi na daw kasi amoy pinipig si Aling Grasya kaya iniwan na ng asawa.

9. Amoy tsiko

Kahulugan: Lango sa alak, lasing
Halimbawa: Bakit amoy tsiko ka na naman?

10. Anak-dalita

Kahulugan: Mahirap
Halimbawa: Kahit anak-dalita ay naabot pa rin ni Abel ang kanyang pangarap.

11. Anak-pawis

Kahulugan: Manggagawa, pangkaraniwang tao
Halimbawa: Ipinagmamalaki kong ako’y anak-pawis.

12. Anghel ng tahanan

Kahulugan: Maliit na bata
Halimbawa: Si Mikay ang anghel ng tahanan namin.

13. Asal hayop

Kahulugan: Masama ang ugali
Halimbawa: Ang pinaka-ayaw ko sa lahat ay yung taong asal hayop.

14. Bahag ang buntot

Kahulugan: Duwag
Halimbawa: Doon ka sa mas matapang sayo makipaghamon ng away, huwag kay Lino na bahag ang buntot.

15. Bakas ng kahapon

Kahulugan: Nakaraan, alaala ng kahapon
Halimbawa: Ang mga nangyari noon ay bakas ng kahapon na lamang.

16. Balat kalabaw

Kahulugan: mahina ang pakiramdam, di agad tinatablan ng hiya
Halimbawa: Binalaan na kita noon pa na balat kalabaw talaga yang si Marta.

17. Balat-sibuyas

Kahulugan: maramdamin o sobrang sensitibo ang damdamin
Halimbawa: Noon pa man ay balat-sibuyas na iyang si Angge kaya piliin mo lamang ang mga sasabihin mo sa kanya.

18. Balik-harap

Kahulugan: Mabuti ang pakikitungo sa harap ngunit taksil sa likuran
Halimbawa: Nakakainis talaga ang mga taong balik-harap.

19. Balitang kutsero

Kahulugan: Maling balita, hindi totoong balita
Halimbawa: Hindi ako naniniwala sa mga balitang kutsero ni Aries.

20. Bantay-salakay

Kahulugan: Hindi mapagkakatiwalaan
Halimbawa: Bantay-salakay iyang apo ni Ka Doray.

21. Basa ang papel

Kahulugan: Bistado na
Halimbawa: Basa ang papel ngunit ayaw pa ring aminin ni Roy ang kanyang kasalanan.

22. Basag-ulo

Kahulugan: Away
Halimbawa: Huwag kang sumama sa mga taong ang laging hanap ay basag-ulo.

23. Bilang na ang araw

Kahulugan: Malapit ng mamatay
Halimbawa: Bilang na ang araw mo.

24. Buhok anghel

Kahulugan: May magandang buhok
Halimbawa: Buti pa si Dinah buhok anghel.

25. Bukal sa loob

Kahulugan: Taos puso
Halimbawa: Bukal sa loob ko ang pagtulong sa’yo.

26. Bukang liwayway

Kahulugan: Malapit nang mag-umaga
Halimbawa: Bukang-liwayway na ako umuwi.

27. Bukas ang isip

Kahulugan: Tumatanggap ng opinyon ng kapwa
Halimbawa: Buti pa si Diego, bukas ang isip sa mga ganyang usapin.

28. Bukas na kaban

Kahulugan: Mapagkawanggawa
Halimbawa: May bukas na kaban sa mga mahihirap si Aling Maria.

29. Bulaklak ng dila

Kahulugan: Pagpapalabis sa katotohanan
Halimbawa: Hindi mainam ang bulaklak ng dila ng mga reporter.

30. Bulaklak ng lipunan

Kahulugan: Sikat at respetadong babae sa lipunan
Halimbawa: Si Agnes ay itinuturing na bulaklak ng lipunan.

31. Bulang-gugo

Kahulugan: Galante, laging handang gumasta
Halimbawa: Masarap kasama ang taong bulang-gugo.

32. Bumangga sa pader

Kahulugan: Lumaban sa makapangyarihan at mayamang tao
Halimbawa: Ang sinumang bumangga sa pader ay tiyak na matatalo lamang.

33. Bungang-araw

Kahulugan: Isang sakit sa balat na makati
Halimbawa: Tuwing tag-init ay pinapawisan at nagkakaroon ng bungang-araw ang aking anak.

34. Bungang-tulog

Kahulugan: Panaginip
Halimbawa: Bungang-tulog lang pala ang lahat.

35. Buntong hininga

Kahulugan: Mahaba at malalim na paghinga na kung minsan ay nagpapakita ng kalungkutan, pagod, o kaluwagan
Halimbawa: Napa-buntong hininga ako nang malaman kong hindi na matutuloy ang pag-aabroad ko.

36. Busilak ang puso

Kahulugan: Malinis ang kalooban
Halimbawa: Sa panahon ngayon ay masasabi kong marami pa rin naman ang mga taong busilak ang puso.

37. Butas ang bulsa

Kahulugan: Walang pera
Halimbawa: Mahirap talaga kapag butas ang bulsa.

38. Buto’t balat

Kahulugan: Sobrang kapayatan
Halimbawa: Malakas naman siyang kumain pero bakit buto’t balat pa rin ang itsura niya?

39. Buwaya sa katihan

Kahulugan: Ususera, nagpapautang na malaki ang tubo
Halimbawa: Kilalang buwaya sa katihan itong si Violeta.

40. Daga sa dibdib

Kahulugan: Takot
Halimbawa: Nadarama ko ang daga sa dibdib ni Pedro kaya ayaw na niyang tumuloy sa Maynila.

41. Dalawa ang bibig

Kahulugan: Mabunganga, madaldal
Halimbawa: Ayoko siyang kasama dahil dalawa ang bibig niya.

42. Dalawa ang mukha

Kahulugan: Taksil, balik-harap
Halimbawa: Binalaan na kita noon na dalawa ang mukha ni Jesie pero hindi ka nakinig sakin.

43. Dapit-hapon

Kahulugan: Malapit ng dumapo ang hapon
Halimbawa: Dapit-hapon na ng makauwi ako galing sa trabaho.

44. Di mahapayang gatang

Kahulugan: Sobrang yabang
Halimbawa: Kung ako sa’yo ay hindi ko kakaibiganin si Letty dahil siya ay di mahapayang gatang.

45. Di makabasag-pinggan

Kahulugan: Mahinhin
Halimbawa: Si Victor pala ang napangasawa ng di makabasag pinggan na si Leny.

46. Di malaglagang karayom

Kahulugan: Napakaraming tao
Halimbawa: Di malaglagang karayom sa palengke.

47. Galit sa pera

Kahulugan: Gastador
Halimbawa: Talaga namang galit sa pera si Tricia.

48. Ginintuang tinig

Kahulugan: Maganda ang boses
Halimbawa: Kung ako lang ay may ginintuang tinig, tiyak na lagi akong sasali sa mga kompetisyon ng awitan.

49. Guhit ng tadhana

Kahulugan: Itinakdang kapalaran
Halimbawa: Ito na yata talaga ang aking guhit ng tadhana.

50. Halang ang bituka

Kahulugan: Salbahe, desperado, hindi nangingiming pumatay ng tao
Halimbawa: Usap-usapan sa baryo na halang ang bituka ni Tonyo.

51. Halang ang kaluluwa

Kahulugan: Masamang tao
Halimbawa: Titiyakin kong mabubulok ka sa kulungan dahil halang ang kaluluwa mo!

52. Haligi ng tahanan

Kahulugan: Ama o Tatay
Halimbawa: Responsable at mapagmahal ang aming haligi ng tahanan.

53. Hampas ng langit

Kahulugan: Ngitngit ng Diyos
Halimbawa: Hindi ka makakatakas sa hampas ng langit.

54. Hampas-lupa

Kahulugan: Lagalag, busabos, mahirap
Halimbawa: Hindi ako makakapayag na sa hampas-lupang iyan ka lamang mapupunta.

55. Hawak sa leeg

Kahulugan: Sunud-sunuran
Halimbawa: Si Ramil ay hawak sa leeg ng kanyang asawa.

56. Hinahabol ng karayom

Kahulugan: May sira ang damit
Halimbawa: Hindi man lang napansin ni Minda na hinahabol ng karayom ang asawa niyang si Berto.

57. Hindi madapuan ng langaw

Kahulugan: Sobrang pinoprotektahan
Halimbawa: Hindi madapuan ng langaw ang batang si Baste.

58. Ibaon sa hukay

Kahulugan: Kalimutan
Halimbawa: Ibaon mo na lang sa hukay ang pangako niyang babalik siya.

59. Ibong mandaragit

Kahulugan: Mananakop
Halimbawa: Ang dating ibong mandaragit na Estados Unidos ang isa sa may pinakamalaking naitulong sa mga nasalanta ng lindol sa Nepal.

60. Ikrus sa noo

Kahulugan: Tandaan
Halimbawa: Kaya dapat lang na ikrus sa noo ang lahat ng sinasabi ng iyong Lola.

61. Ilaw ng tahanan

Kahulugan: Ina o Nanay
Halimbawa: Mahal na mahal ko ang aming ilaw ng tahanan.

62. Isang bulate na lang ang hindi pumipirma

Kahulugan: malapit ng mamatay
Halimbawa: Sinabi ng doktor na isang bulate na lang ang hindi pumipirma kay Marlou kaya nag-iyakan na ang pamilya nito.

63. Isang kahig, isang tuka

Kahulugan: Nabubuhay sa hirap
Halimbawa: Dati kaming isang kahig, isang tuka.

64. Isulat sa tubig

Kahulugan: Kalimutan
Halimbawa: Isulat mo na lang sa tubig ang mga pinag-usapan natin.

65. Itaga sa bato

Kahulugan: Tandaan
Halimbawa: Itaga mo sa bato, hindi na ako magpapakita sa’yo kahit kailan!

66. Itim na tupa

Kahulugan: Masamang anak
Halimbawa: Itim na tupa kung ituring ng mga kapitbahay ang pangalawnng anak ni Silvia.

67. Kabiyak ng dibdib

Kahulugan: Asawa
Halimbawa: Si Alyana ang kabiyak ng dibdib ni Cardo.

68. Kakaning-itik

Kahulugan: Walang gaanong halaga, hindi maipagpaparangalan
Halimbawa: Palibhasa’t matanda na kaya kakaning-itik na lang para sa mga anak ang kanilang ina.

69. Kalapating mababa ang lipad

Kahulugan: Babaeng nagbibili ng aliw
Halimbawa: Nabalitaan ko na marami daw kalapating mababa ang lipad Pampanga?

70. Kamay na bakal

Kahulugan: Mahigpit na pamamalakad; malupit
Halimbawa: Totoo ba na may kamay na bakal daw si Pangulong Duterte?

71. Kape at gatas

Kahulugan: Maitim at maputi
Halimbawa: Madaling malaman kung sino sa kambal sina Melai at Melanie dahil sa kulay nilang kape at gatas.

72. Kapit tuko

Kahulugan: Mahigpit ang hawak
Halimbawa: Kung kapit tuko sa iyo ang iyong nobya, malamang ay natatakot iyan na maagaw ka ng iba.

73. Kaututang dila

Kahulugan: Katsismisan
Halimbawa: Tuwing umaga ay kaututang dila ni Linda si Cely.

74. Kidlat sa bilis

Kahulugan: Napakabilis
Halimbawa: Kidlat sa bilis nang ikalat ni Amber ang balitang hiwalay na sina Dong at Yan.

75. Kilos pagong

Kahulugan: Mabagal kumilos
Halimbawa: Ayaw isama ni Carding si Harmon dahil kilos pagong daw kasi ito.

76. Kumukulo ang dugo

Kahulugan: Naiinis, nasusuklam
Halimbawa: Kumukulo ang dugo ko sa tuwing nakikita kita.

77. Kumukulo ang sikmura

Kahulugan: Nagugutom
Halimbawa: Kumukulo ang sikmura ko kanina pa.

78. Kusang palo

Kahulugan: Sariling sipag
Halimbawa: Kung ako sa’yo ay magkukusang palo ako at hindi aasa sa iba.

79. Kutsarang ginto sa bibig

Kahulugan: Lumaki sa yaman
Halimbawa: Kung ako ang ay lumaking may kutsarang ginto sa bibig, hindi ko na sana kaylangang magtrabaho.

80. Lahing kuwago

Kahulugan: Sa umaga natutulog
Halimbawa: Si Cindy ay may lahing kuwago.

81. Lakad pagong

Kahulugan: Sobrang bagal na pag-usad tao man o sasakyan
Halimbawa: Araw-araw na iniinda ni Selya ang lakad pagong na trapiko sa EDSA.

82. Laman ng lansangan

Kahulugan: Laging istambay sa kalye
Halimbawa: Si Berting ay laman ng lansangan.

83. Lamog ang katawan

Kahulugan: Sobrang pagod
Halimbawa: Lamog ang katawan at laging puyat si Mang Arman kaya siya nagkasakit.

84. Lantang gulay

Kahulugan: Halos hindi na maigalaw ang katawan sa sobrang pagod
Halimbawa: Dahil sa walang tigil na pagta-trabaho ay lantang gulay na nang umuwi si Ka Petra sa kanyang bahay.

85. Lawit ang dila

Kahulugan: Sobrang pagod
Halimbawa: Tumakbo ng matulin si Randy kaya lawit ang dila niyang umuwi sa bahay.

86. Laylay ang balikat

Kahulugan: Bigong-bigo
Halimbawa: Napansin ni Aling Judy na laylay ang balikat ng kanyang anak kaya agad niya itong kinausap ng masinsinan.

87. Luha ng buwaya

Kahulugan: Hindi totoong nag-dadalamhati, pakitang taong
Halimbawa: Animo’y totoo pero luha ng buwaya lang naman ang ipinakita niya sa’yo.

88. Lumagay sa tahimik

Kahulugan: Magpakasal
Halimbawa: Inay, nais ko na po sanang lumagay sa tahimik

89. Lumaki ang ulo

Kahulugan: Nagyayabang dahil sa nakamit na tagumpay o pangarap
Halimbawa: Wala pa ngang nararating pero lumaki agad ang ulo ni Jetro.

90. Lumang tugtugin

Kahulugan: Laos na o alam na ng lahat ang ibinalita o ikinukuwento
Halimbawa: Hindi mo na kami maloloko dahil lumang tugtugin na yan!

91. Lumuha man ng bato

Kahulugan: Hindi mapatawad
Halimbawa: Kahit lumuha man ng bato si Billy ay hindi na kailanman magbabago ang desisyon ni Kiray.

92. Maaliwalas ang mukha

Kahulugan: Masayahin, taong palangiti
Halimbawa: Maaliwalas ang mukha ni Rudy sa tuwing papasok siya sa paaralan.

93. Maamong kordero

Kahulugan: Mabait na tao
Halimbawa: Papaano naging maamong kordero ang dating basagulerong si Bitoy?

94. Maanghang ang dila

Kahulugan: Bastos magsalita
Halimbawa: Kung palaging maanghang ang dila ni Biboy ay kaiinisan siya lagi ng mga tao sa paligid niya.

95. Mababa ang loob

Kahulugan: Maawain
Halimbawa: Si Karen ay kilala sa pagiging mababa ang loob sa mga mahihirap.

96. Mababaw ang luha

Kahulugan: Iyakin
Halimbawa: Mababaw ang luha ni Mila lalo na kung ang paksa ay ang kanyang pamilya.

97. Mabigat ang dugo

Kahulugan: Di makagiliwan
Halimbawa: Bakit kaya mabigat ang dugo ng aking Tatay sa akin?

98. Mabigat ang kamay

Kahulugan: Tamad magtrabaho
Halimbawa: Mabigat ang kamay ni Ambo kaya tinanggal na ng kanyang amo sa construction.

99. Mabigat ang loob

Kahulugan: Di-makagiliwan
Halimbawa: Kung maayos sanang makisama itong si Rica, ‘di sana mabigat ang loob ko sa kanya.

100. Mabilis ang kamay

Kahulugan: Mandurukot
Halimbawa: Pabalik-balik siya sa kulungan dahil mabilis ang kamay niya.

101. Madilim ang mukha

Kahulugan: Taong simangot, problemado
Halimbawa: Noon ko pa napapansin na tila madilim ang mukha ni Armando.

102. Magaan ang dugo

Kahulugan: Madaling makapalagayan ng loob
Halimbawa: Magaan ang dugo ko sa batang iyan.

103. Magaan ang kamay

Kahulugan: Laging nananakit
Halimbawa: Magaan ang kamay at lagi akong sinisigawan ni Mang Ambo.

104. Magaling ang kamay

Kahulugan: Mahusay gumuhit o magpinta
Halimbawa: Si Petra ay magaling ang kamay kaya laging kasali sa mga “Poster Making Contest”.

105. Magdilang-anghel

Kahulugan: Magkatotoo sana
Halimbawa: Sana nga’y magdilang-anghel ka ng maranasan ko namang yumaman bago man lang bawian ng buhay.

106. Maghalo ang balat sa tinalupan

Kahulugan: Maglabu-labo, mag-away-away
Halimbawa: Talagang maghahalo ang balat sa tinalupan kapag hindi ka umayos!

107. Magkataling-puso

Kahulugan: Nag-iibigan, mag-asawa
Halimbawa: Kailan pa naging magkataling-puso sina Jeff at Lea?

108. Maglaro ng apoy

Kahulugan: Magtaksil
Halimbawa: Napakabait ng asawa ni Andong pero nakuha pa rin nitong maglaro ng apoy.

109. Maglubid ng buhangin

Kahulugan: Magsinungaling
Halimbawa: Kahit maglubid ng buhangin si Ara ay sigurahong lalabas din ang katotohanan.

110. Mahaba ang buntot

Kahulugan: Laging nasusunod ang gusto, kulang sa palo, salbahe
Halimbawa: Hindi dapat kunsintihin ang batang mahaba ang buntot.

111. Mahabang dulang

Kahulugan: Kasalan
Halimbawa: Ang mahabang dulang sa Batangas ay sadyang magastos.

112. Mahangin

Kahulugan: Mayabang
Halimbawa: Kilala sa pagiging mahangin si Don Pepot.

113. Mahangin ang ulo

Kahulugan: Mayabang
Halimbawa: Siya na yata ang pinaka-mahangin ang ulo na nakilala ko.

114. Mahapdi ang bituka

Kahulugan: Nagugutom
Halimbawa: Mahapdi na ang bituka ko.

115. Mahina ang loob

Kahulugan: Duwag
Halimbawa: Mahina ang loob ni Charlie kaya ni hindi niya nagawang lakaran ang kanyang pangarap.

116. Mainit ang ulo

Kahulugan: Hindi maganda ang “mood”, magalitin
Halimbawa: Huwag kang lalapit kay Nanay kapag mainit ang ulo niya dahil tiyak na masisigawan ka lang.

117. Maitim ang budhi

Kahulugan: Tuso, masama ang ugali
Halimbawa: Maitim ang budhi ng lalaking iyan!

118. Maitim ang dugo

Kahulugan: Salbahe, tampalasan
Halimbawa: Palibhasa’t maitim ang dugo kaya walang gustong makipagkaibigan sa kanya.

119. Makalaglag-matsing

Kahulugan: Nakaka-akit
Halimbawa: Sadya namang makalaglag-matsing ‘yang si Bianca.

120. Makapal ang bulsa

Kahulugan: Maraming pera, masalapi, mayaman
Halimbawa: Pasalamat ka’t makapal ang bulsa ng napangasawa mo.

121. Makapal ang mukha

Kahulugan: Di marunong mahiya
Halimbawa: Kahit ano pang sabihin mo ay sadyang makapal ang mukha ni Petra.

122. Makapal ang palad

Kahulugan: Masipag
Halimbawa: Hindi lang dapat makapal ang palad. Samahan mo din ng tamang diskarte para mas maganda ang iyong kinabukasan.

123. Makati ang dila

Kahulugan: Madaldal, mapunahin
Halimbawa: Masyadong makati ang dila ni Mimi.

124. Makati ang paa

Kahulugan: Mahilig sa gala o lakad
Halimbawa: Hindi na dapat makati ang paa ng mga taong may asawa.

125. Makitid ang isip

Kahulugan: Mahinang umunawa, walang gaanong nalalaman
Halimbawa: Palibhasa’t makitid ang isip kaya kahit humingi ng pasensya ay hindi niya magawa.

126. Makuskos-balungos

Kahulugan: Mareklamo, mahirap amuin, mahirap pasayahin
Halimbawa: Hindi nakakatuwa ang taong makuskos-balungos.

127. Malakas ang loob

Kahulugan: Magiting, matapang, buo ang loob
Halimbawa: Malakas ang loob ko na harapin ang anumang pagsubok na darating sa aking buhay.

128. Malaking isda

Kahulugan: Mayaman
Halimbawa: Buti pa si Enchang nakapag-asawa ng malaking isda.

129. Malamig ang ulo

Kahulugan: Maganda ang “mood”, nasa magandang kondisyon ang pakiramdam
Halimbawa: Mabuti na lang at malamig ang ulo ni tatay ngayon. Nakahingi tuloy ako ng pera.

130. Malapad ang papel

Kahulugan: Maraming kakilala na makapagbibigay ng tulong
Halimbawa: Palibhasa’t malapad ang papel kaya madaling nakakuha ng lisensya sa LTO.

131. Malawak ang isip

Kahulugan: Madaling umunawa, maraming nalalaman
Halimbawa: Malawak ang isip ni Jepoy kaya siya ang laging nilalapitan ng kanyang mga kaibigan na may problema.

132. Malikot ang kamay

Kahulugan: Kumukuha ng hindi kanya, kawatan, magnanakaw
Halimbawa: Malikot ang kamay ng anak ni Aling Berta.

133. Manipis ang mukha

Kahulugan: Mahiyain
Halimbawa: Manipis ang mukha ng dalaga ni Aling Linda.

134. Mapait na lunukin

Kahulugan: Kahiya-hiyang pagkabigo
Halimbawa: Mapait na lunukin ang nangyari sa pamilya ni Rico.

135. Mapurol ang utak

Kahulugan: Bobo
Halimbawa: Baka tamad mag-aral kaya mapurol ang utak ni Cory.

136. Maputi ang tainga

Kahulugan: Kuripot
Halimbawa: Maputi ang tainga ni Nena.

137. Masama ang loob

Kahulugan: Nagdaramdam
Halimbawa: Kahit masama ang loob ni Abi kay Ara ay nakuha pa rin niya itong patawarin.

138. Masama ang panahon

Kahulugan: May bagyo
Halimbawa: Kanselado ang mga klase bukas dahil masama ang panahon.

139. Matalas ang dila

Kahulugan: Masakit mangusap
Halimbawa: Matalas ang dila ni Mona kaya marami ang naiinis sa kanya.

140. Matalas ang mata

Kahulugan: Madaling makakita
Halimbawa: Pagdating sa pera ay matalas ang mata ni Berta.

141. Matalas ang tainga

Kahulugan: Madaling makarinig o makaulinig
Halimbawa: Matalas ang tainga ng aso ni Awra.

142. Matalas ang ulo

Kahulugan: Matalino
Halimbawa: Mahilig mag-aral kaya matalas ang ulo ng aking anak.

143. Matamis ang dila

Kahulugan: Mahusay mangusap, bolero
Halimbawa: Matamis ang dila ng mga pulitiko sa aming bayan.

144. Matandang kalabaw

Kahulugan: Taong may edad na
Halimbawa: Bagamat matandang kalabaw ay napakasipag pa rin ni Lola Eden sa trabaho.

145. Matigas ang buto

Kahulugan: Malakas
Halimbawa: Kahit papayat-payat ay matigas ang buto ni Lisa.

146. Matigas ang katawan

Kahulugan: Tamad
Halimbawa: Tiyak na di ka gaganahan kung matigas ang katawan ng kasama mo sa bahay.

147. Matigas ang leeg

Kahulugan: Mapag-mataas, di namamansin
Halimbawa: Ayoko sa taong matigas ang leeg.

148. Matigas ang ulo

Kahulugan: Ayaw makinig sa pangaral o utos
Halimbawa: Ang batang matigas ang ulo ay malapit sa kapahamakan.

149. May ipot sa ulo

Kahulugan: Taong pinagtaksilan ng asawa
Halimbawa: Kawawang Bitoy, may ipot sa ulo.

150. May krus ang dila

Kahulugan: Taong may alam sa kung ano ang mangyayari sa hinaharap
Halimbawa: May krus ang dila ni Vicky kaya hindi na ako magtataka kung magkatotoo ang mga sinabi niya.

151. May magandang hinaharap

Kahulugan: May magandang kinabukasan
Halimbawa: Kung di magbabago ay sigurado akong may magandang hinaharap ang batang si Maria dahil ngayon pa lang ay masipag at madiskarte na siya sa buhay.

152. May sinasabi

Kahulugan: Mayaman, may likas na talino
Halimbawa: May sinasabi ang pamilya Reyes kaya huwag mo silang kakalabanin.

153. Nag-aapoy sa init

Kahulugan: Mataas na mataas ang lagnat
Halimbawa: Kung sana’y dinala agad sa ospital ang nag-aapoy sa init na sanggol ay naagapan sana ang kanyang malalang sakit ngayon.

154. Nagbabatak ng buto

Kahulugan: Nagtatrabaho ng higit sa kinakailangan
Halimbawa: Bata pa’y nagbabatak ng buto na itong si Danny.

155. Nagbibilang ng poste

Kahulugan: Naghahanap ng trabaho
Halimbawa: Akala ko’y kung saan na nagpupunta itong si James, nagbibilang pala ng poste.

156. Nagbukas ng dibdib

Kahulugan: Nagtapat na nais pakasalan ang kasintahan
Halimbawa: Sa wakas, nagbukas na ng dibdib si Leo kay Lea.

157. Nagmumurang kamatis

Kahulugan: Matandang lalaking nag-aayos binata, matandang babae nag-aayos dalaga
Halimbawa: Simula ng mabyuda ay napapansin ng kanyang mga kapitbahay na tila nagmumurang kamatis si Ising.

158. Nagpupusa

Kahulugan: Nagsasabi ng mga kuwento ukol sa isang tao
Halimbawa: Nagpupusa na naman itong si Jesica.

159. Nagsaulian ng kandila

Kahulugan: Nagkagalit ang magkumpare o mag-kumare, di nagkasundo
Halimbawa: Alam mo ba ang dahilan kung bakit nagsaulian ng kandila sina Cristy at Kyla?

160. Nagsusunog ng kilay

Kahulugan: Masipag mag-aral
Halimbawa: Kasama ka sana sa nakatanggap ng parangal kung sa simula pa lang ay nagsusunog ka na ng kilay.

161. Nakahiga sa salapi

Kahulugan: Mayaman
Halimbawa: Ipinanganak si Josua na nakahiga sa salapi.

162. Nakapinid ang tainga

Kahulugan: Nagbibingi-bingihan
Halimbawa: Laging nakapinid ang tainga ni Marla sa tuwing inuutusan siya ng kanyang ina.

163. Namamangka sa dalawang ilog

Kahulugan: Salawahan
Halimbawa: Totoo kaya ang usap-usapan na namamangka raw sa dalawang ilog itong si Mang Pablo?

164. Namuti ang mata

Kahulugan: Nainip sa kahihintay, matagal nang naghihintay
Halimbawa: Namuti na ang mata ni Biboy ngunit hindi sumipot sa kanilang tagpuan si Hershey.

165. Naniningalang-pugad

Kahulugan: Nanliligaw
Halimbawa: Itong si Berto ay naniningalang-pugad sa anak ni Ka Pedring.

166. Natuka ng ahas

Kahulugan: Hindi nakakibo, nawalan ng lakas magsalita
Halimbawa: Nang makita ko si crush ay para akong natuka ng ahas.

167. Ningas-kugon

Kahulugan: Panandalian, di pang-matagalan
Halimbawa: Totoo ba na maraming Pilipino ang ningas-kugon?

168. Pag-iisang dibdib

Kahulugan: Kasal
Halimbawa: Bukas na ang pag-iisang dibdib nina Jessa at Jimuel.

169. Pagkagat ng dilim

Kahulugan: Pag lubog ng araw
Halimbawa: Pagkagat ng dilim bumababa ang mga bandido mula sa bundok.

170. Pagputi ng uwak

Kahulugan: Walang maaasahan, walang kahihinatnan
Halimbawa: Sa wari ko’y mababayaran ka niya pagputi ng uwak.

171. Panakip butas

Kahulugan: Panghalili, pamalit
Halimbawa: Minahal ng labis ni Inday si Dudong ngunit panakip butas lang pala siya.

172. Panis ang laway

Kahulugan: Taong di-palakibo
Halimbawa: Talaga namang mapapanis ang laway mo kapag si Lyka ang kasama mo.

173. Pantay ang mga paa

Kahulugan: patay na
Halimbawa: Pantay ang mga paa nang datnan ni Bimbo ang kanyang Lola sa kwarto.

174. Parang aso’t pusa

Kahulugan: Laging nag-aaway
Halimbawa: Parang aso’t pusa itong si Karla at Karlo.

175. Parang kiti-kiti

Kahulugan: Malikot, galaw nang galaw
Halimbawa: Parang kiti-kiti na naman kung kumilos itong si Biboy.

176. Parehong kaliwa ang paa

Kahulugan: Hindi marunong sumayaw
Halimbawa: Huwag mo na akong yayain dahil parehong kaliwa ang paa ko.

177. Patabaing baboy

Kahulugan: Walang hilig magtrabaho, tamad
Halimbawa: Kung alam ko lang na patabaing baboy ka pala ay hindi sana kita pinakasalan.

178. Patay-gutom

Kahulugan: Matakaw
Halimbawa: Nakita ko kung paano umiyak si Carla nang sabihan siyang patay-gutom ni Vice.

179. Pinagbubuhatan ng kamay

Kahulugan: Pinapalo, sinasaktan
Halimbawa: Palaging pinagbubuhatan ng kamay ni Milagros ang mga anak niya.

180. Pulot-gata

Kahulugan: Pagtatalik ng bagong kasal
Halimbawa: Saan ba ang pulot-gata ninyong dalawa?

181. Pusong mamon

Kahulugan: Maramdamin
Halimbawa: May pagka-pusong mamon pala kung pagsabihan itong si Elsa.

182. Pusong-bakal

Kahulugan: Hindi marunong magpatawad
Halimbawa: Ang taong pusong-bakal ay hindi magiging masaya kaylan man.

183. Putok sa buho

Kahulugan: Anak sa labas, anak ng taong nagsama ng hindi kasal
Halimbawa: Madalas na pinag-uusapan ng kanyang mga kapitbahay ang putok sa buhong si Lea.

184. Saling-pusa

Kahulugan: Pansamantalang kasali
Halimbawa: Bata pa kasi ang anak niya kaya saling-pusa muna siya sa eskwela.

185. Samaing palad

Kahulugan: Malas na tao
Halimbawa: Hindi ako naniniwala na may samaing palad.

186. Sampay-bakod

Kahulugan: Taong nagpapanggap, hindi mapagkakatiwalaan ang sinasabi
Halimbawa: Mag-ingat ka d’yan kay Cora. Balita ko’y sampay-bakod yan.

187. Sampid-bakod

Kahulugan: Nakikisunod, nakikikain, o nakikitira
Halimbawa: Sampid-bakod lang din naman pero akala mo’y siya ang may-ari ng bahay.

188. Sanga-sangang dila

Kahulugan: Sinungaling
Halimbawa: Sanga-sangang dila talaga ‘yang si Rufa.

189. Sariling pugad

Kahulugan: Sariling tahanan
Halimbawa: Bakit hindi ka manatili sa sarili mong pugad?

190. Sariwa sa alaala

Kahulugan: Palaging naaalala, hindi makalimutan
Halimbawa: Sariwa pa sa aking alaala ang masasayang sandali noong kami pa ng aking nobyo.

191. Sira ang tuktok

Kahulugan: Gago, loko-loko
Halimbawa: Sira kasi ang tuktok niya kaya laging napapa-away kahit saan pumunta.

192. Sukat ang bulsa

Kahulugan: Marunong gumamit ng pera; marunong mamahala ng ari-arian o kayamanan
Halimbawa: Kung ikaw ba naman ay sukat ang bulsa, hindi ka sana naghihikahos ngayon.

193. Sukat ang bulsa

Kahulugan: Marunong gumamit ng pera; marunong mamahala ng ari-arian o kayamanan
Halimbawa: Kung ikaw ba naman ay sukat ang bulsa, hindi ka sana naghihikahos ngayon.

194. Takaw-tulog

Kahulugan: Mahilig matulog
Halimbawa: Kahirapan ang kinabukasang sasapitin ng taong takaw-tulog.

195. Talusaling

Kahulugan: Manipis ang balat
Halimbawa: Huwag mong kurutin si Gina talusaling yan.

196. Talusira

Kahulugan: Madaling magbago
Halimbawa: Akala ko’y iba siya, kagaya lang din pala siya ng iba na talusira.

197. Tatlo ang mata

Kahulugan: Maraming nakikita, mapaghanap ng mali
Halimbawa: Iyang si Becky ay tatlo ang mata kaya walang gustong makipag-kaibigan sa kanya.

198. Tawang-aso

Kahulugan: Nagmamayabang, nangmamaliit
Halimbawa: Tawang-aso na naman si Andeng sa mga kaibigan nya.

199. Tengang kawali

Kahulugan: Nagbibingi-bingihan
Halimbawa: Mahilig magtengang-kawali ang anak ni Aling Iska.

200. Tinik sa lalamunan

Kahulugan: Hadlang sa layunin
Halimbawa: Si Florante ang tinik sa lalamunan ni Adolfo.

201. Tulak ng bibig

Kahulugan: Salita lamang, di tunay sa loob
Halimbawa: Kung ako sayo’y sasamahan ko ng gawa at hindi puro tulak ng bibig lamang ang aking paiiralin.

202. Umaalon ang dibdib

Kahulugan: Kinakabahan
Halimbawa: Umaalon ang dibdib ko sa tuwing may biglaang pagsusulit.

203. Utak-biya

Kahulugan: Walang nalalaman
Halimbawa: Kung tawagin ng ilan ay utak biya itong si Caloy.

204. Utang na loob

Kahulugan: Malaking pasasalamat na hindi kayang bayaran ng ano pa man
Halimbawa: Utang na loob ko sa kanya ang aking buhay.

205. Walang bahid

Kahulugan: Walang maipipintas
Halimbawa: Mahirap pabagsakin ang taong walang bahid ng anumang kasalanan.

At iyan nga po ang 205 mga sawikain o idyoma na aming kinalap, pinagsama-sama, at nilagyan ng mga halimbawa kung paano ito gamitin sa isang pangungusap o pahayag.

Kung nakatulong sa iyo itong aming ginawang mga halimbawa ng sawikain, mangyaring ibahagi sa iyong mga kaibigan o kamag-aaral upang maging sila ay matuto rin kagaya mo.