Womens Fellowship

Dili jod ko mosogot nga manglabay ang mga adlaw nga dili nako ma post ni nga event. Kada tuig ang matigsalog circuit General Baptist Church gapahigayon og womens fellowship panagtapok kini sa kababaihan matag simbahan sa General Baptist church para sa mga kababaihan usa diapon kini sa pamaagi nga ang mga kababaihan dili maluya diha sa pagpangalagad sa Ginoo. Sa duha ka tuig ang nanglabay nga wala naka himo og ingon ani nga event kay tungod sa pandemya nga nahitabo sa atong nasod usa ka mga protocol nga dili pweyde ang panagtapok.

Nabati gayod nako ang kalipay aning mga adlawa february 19,2022. Dili nako masabot ang mao nga kalipay. Ang tinood gayod nga kalipay diha lamang kana makita kang Kristo Hesus. Bisan paman sa panahon kagahapon nga kusog kaayo ang ulan og walay motor nga sakyan padulong sa maong venue kung di-in ipahigayon ang event. Pero dili gayod mapugngan ang gahom sa Ginoo nga iya gayod akong paadtoon sa event.

Ang scripture reading diha makita sa libro sa Efeso 6:11 Isul-ob ninyo ang tanang kahimanan sa gubat nga gihatag sa Dios kaninyo aron makasukol kamo batok sa mga pagpanglimbong sa yawa.

Og gitimahan kini og "ang mga hinagiban sa Espirituhanon"

Naka relate kaayo ko sa maong wali kay tungod dili tuyoon sa mag wawali nga ig-og ko pero nganong maigo man jod.

Isip usa ka kristohanon daghan Kaayo mga babag sa pagpangalad, daghan mga pagsulay ,daghan og pamaagi ang kaaway aron lang mabitik ang mga kristohanon apan kon isul-ob natu ang mga hinagiban walay imposible makasukol kita sa mga kaaway.

Kana lang sa siguro sa pagkakaron!

Salamat sa maong panahon sa pagbasa!

January 20,2022