Hindi naging handa sa mga pangyayari

Sa isang iglap

nag bago ang lahat

Ang dating masaya at puno ng kwentong samahan

napalitan ng kalungkutan

Ang dating sabik sa mga yakap

Naging matamlay sa isang iglap

Ngunit ano nga ba ang nag pabago?

Lagi naman akong may oras para sa'yo

Nandyan pag kailangan mo

Nakikinig sa mga kwento mo kahit paulit ulit nalang

Pero bakit nga ba tayo nag bago?

Dahil ba sa mga katagang iyong sinambit?

Yung mga katagang gusto mong ipilit

"Liligawan kita, sinabi ko na kay mommy"

Teka hindi naman kase ako handa sa mga ganyang usapan

Pag dating sa romantikong relasyon labas tayo dyan.

Dapat pag kaibigan, kaibigan lang wag ng i-level up

Ang hirap kaya mangarap sa ilalim ng ulap

Tapos masisira lang sa isang iglap.

Advance na kung advance mag isip,

oo alam ko.

Kaya kaibigan, freeny, beshie, parekoy o kung ano pa man ang tawag ko sayo

Pasensya kana

Hindi ako yung tipo ng babae na ipag lalaban ka

Hindi ko kayang isugal ang samahang binuo nateng dalawa

Duwag na kung duwag pero...

Patawad, kung hindi ko tinanggap ang iyong panunuyo

Ayoko lang kaseng isuko yung samahang sabay nating binuo

Gusto ko lang naman maging masaya kasama ka

Pero hindi sa paraang gusto mo

Hindi naman sa binabasted kita

Gusto ko lang na buksan mo ang iyong mga mata

Para makita mo ng mas maganda

Na mas magandang maging mag kaibigan nalang tayo dalawa

Diba mas okay yon? Yung sa dulo walang sisihan?

Di ba mas okay yon? Yung chill lang, walang ilangan?

Diba mas okay yon? Yung walang break up kase di natin pinilit na i-level up?

Kaya kaibigan, pasenya na. Hayaan mo nalang sanang ituloy ang istorya nating dalawa, hindi bilang magka-i-bigan kundi bilang magkaybigan.

Hangad ko'y mahanap mo na yung babaeng kakayaning sumugal para sayo.

At pag dumating ang punto nayon

Sana ok pa tayo

Sana maging mag kaibigan parin tayo

sana kilalanin mo parin ako bilang kaibigan mo

Hindi naman ako magiging hadlang

sa totoo lang susuportahan ko pa kayo

Pero sana wag mo lang akong makalimutan

Na ma'y isa kang kaibigan na naka suporta sa'yo

Laging nakapalakpak sa mga pag papalang na natatanggap mo.

At sa huling pagkakataon, freeny, beshie, bespren o pare koy, pasenya kana Kung hindi ko kayang tanggapin ang panunuyo mo

ayoko lang kase talagang mabalewala yung samahang matagal nating binuo. Ngunit ano pa man ang mangyari, nandito lang ako sayong tabi, mananatiling kaybigan mo.