Ngayo'y dumating ang isang pagkakataon
Na labis na lungkot sa loob ng maraming taon
Hindi ko man inaasahan na mangyayari iyon
Hinagpis at luha ko'y itinuon
Ang pagkawala mo'y parang pagkawala ng lahat
Nang dahil doon damdamin ay hindi masalat
Iyak na parang katapusan na ng lahat
Sa isang pamilyang damdamin ay sobrang bigat
Ang buhay mo'y parang isang kandila
Isang ihip ko lamang pala ay maaari ka nang mawala
Kaming pamilya mo'y lubos ang pagkabigla
Minuto lamang pala ay maaari ka nang mawala
Buhay mo'y tinuldukan lamang ng tao
Walang pusong namumuhay dito sa mundo
At kung bakit sa anong dahilan ay ginawa nila ito sa iyo
Wala kaming ibang makita kundi ang kabutihan mo
Bagamat nawala man ang isa
Pinipilit magpakatatag para sa pamilya
Pipiliin pa rin na maging masaya
Sapagkat marami namang naiwang ala-ala
Ang buhay mo'y naging sanhi ng kalbaryo
Lungkot at luha'y sumasaiyo
Kahit mahirap man ang nararanasan mo
Hiling ko'y maayos ka saanmang dako
Lahat ng tao'y namamatay at nawawala
Higit sa ating kaalaman ay huwag na tayong mabigla
Hindi tayo nabuhay para hindi mawala
Bagkus gawin na lamang natin ang nararapat at tama
Isang paalam ang nais sambitin
Lagi mong tatandaan na mahal na mahal ka namin
O paalam ama
Nawa'y pumayapa ka pa rin
Lead image credits to