PUBLIC TRANSPORTATION MAGPADAYON RA SA CEBU CITY; WALAY BORDER RESTRICTION
WALA nay bag-ong executive order nga pirmahan si Cebu City acting mayor Michael Rama ug sundon nalang ang IATF guidelines on MECQ nga giisyu niadtong Mayo 21, 2021.
Kini pending sab sa appeal sa Cebu City ngadto sa IATF nga dili ipaubos sa MECQ ang Cebu City.
Ang Cebu City ug tibuok Cebu Island ubos sa MECQ sugod ugma August 1 to 15.
Si Rama miingon nga abli ra ang mga businesses apan subayon kon pila ray gitugtan nga capacity ug unsa ra nga businesses nga gitugtan basi sa IATF guidelines.
Apan walay requirement sa quarantine pass ug makasulod ra sa Cebu City ang taga laing dapit.
Nasabutan sa mga LGUs sulod sa Cebu Island nga walay border restrictions.
"There is no such thing as no movement,"sigon ni Rama.
Makasulod ra sab ang mga public utility vehicles gikan sa laing LGUs.
Kini sigon ni Cebu City Councilor James Cuenco, chairman sa committee on transportation sa Cebu City council..
"The tri-cities and the province agreed to allow the transport sector..inter-city para uniform,"matod ni Cuenco.
Matod ni Cuenco, kinahanglan lang nga abli ang mga bintana ug kon closed ang design sa bintana, ang pultahan maoy ablihan.
“There will be NO SUSPENSION OF PUBLIC TRANSPORTATION but we need to STRICTLY ENFORCE OUR PUV PROTOCOLS. In addition to the existing PUV Protocols, we will implement OPEN AIR VENTILATION IN ALL PUVS. These PUVs should open its windows and doors to keep an open-air ventilation,"dugang niya sa fb post.
Dili sab overloaded.
Unsaon pagkahibawo nga overloaded na ug di na dapat mosakay?
"Basta puno na di na sila mosakay,"matod ni Cuenco.
Si Rama gipangutana kalabot sa mga habalhabal.
"Wala na maapil diri, kay wala pasabot allowed na,"matod ni Rama.