@DreamBig
more from that month
Bilib ako Sayo
Bilib ako sayo. Oo. Ikaw. Ikaw na nagpapalit ng lampin ng iyong anak na 2 buwang gulang. Ikaw na minimum wage earner at nagsisikap kumita sa pagiging mason sa isang construction site. Bilib ako sayo. Ikaw na pinapaliguan ang iyong inang matanda at mahina. Ikaw na nagkandakuba- kuba sa pagsasaka makapagtapos lamang ang iyong unica hija. Ikaw na tulog sa umaga, rampa sa gabi dahil graveyard ang shifting schedule mo. Ikaw na punong puno ng pag-asa na gagaling ang iyong pasyente na maysakit na COVID-19 dahil isa kang magiting na frontliner. Bilib na bilib ako sayo. Hindi mo iniinda ang nangangalay mong binti at masasakit na kasu kasuan mabigyan lamang ng magandang buhay ang mga mahal mong umaasa sayo. Kahit gaano kahirap ang buhay, balewala sayo dahil mayroon kang pangarap na balang araw madadala mo sa ibang bansa ang mga magulang mo at mabibigyan sila ng engrandeng day off na minsan lang nila maranasan sa isang taon. Walang anuman kung mahirapan at mapagod nang paulit ulit makamtan lang ang matamis na tagumpay na matagal mo nang inaantay. Ganyan nga. Gaod pa. Huwag susuko kahit malayo pa sa finish line of success. Ang bawat maliliit na pangarap ay nagiging malaking tagumpay. Ang bawat pagsisikap ay napapalitan ng kaginhawahan. Ang bawat HINDI mo noon ay magiging OO ngayon.
2 comments
Sabi nga ang buhay ay weather weather lang. Lahat ng sakit may kaakibat na saya. Lahat ng sakripisyo may kaakibat na ginhawa. Lahat ng lungkot may kakibat na tawa. Kaya manalig lang po dahil lahat ng ito ay lilipas din. Ang mga taong tulad niyan ay bihira. Kaya kailangan, ingatan at pagkamahalin. Bigyan ng suporta at pagmamahal na nararapat sa kanya. You found a precious gem in the junkyard. ☺️
Ito sana ang makita ng iba lalo na ang mga taong may kapangyarihan na makapagbigay ng oportunidad sa mga mangagagawang Pilipino. Saludo ako sa inyo!