Poetry #2 “Fake-up FRIEND Koleksyon”

Sa kalibutan na atong gipuy-an

Klase-klaseng amiga atong nadangatan,

Gikumpara ko sila sama sa usa ka make-up koleksyon

Kung kinahanglan kini ilabay o angay bang daygon?

Una si Foundation, amiga na andam motabang

Takuban ang tanang mga niaging kaboang,

Bisag unsaon nimo ug pugos sa iyaha

Magpabilin kining amang para diri mudapig sa atoa,

Apan tungod sa kainit sa temtasyon kaya kini lanayon

Murag pagsalig atong gihatag pero imo ra diay mi unayon.

Ika-duha si Maskara,amiga na pwerteng pilita

Mausab iyang batasan hilabi na dili siya maimbita,

Lakaw diri og lakaw didto murag iro sigeg sunod nato

Bantog ra pilit kaayu ka kay gusto mahimong ako.

Ika-tulo si Highlighter, amiga na hayag sa pagka ambisyusa

Nalubog kini siya sa iyang pagkahambugera pero walay ikabuga,

Bungol na among mga dunggan sa pagpaminaw

Bakak na nibyahe sa imong ngabil bisag sa tinood ako nakahibaw.

Ika-upat si Eyeshadow, amiga na kunuhay muhatag ug kulay

Kusog kaayu modayeg sa atoa hangtod mubaga atong atay,

Pina-ngisi pa ta kay puno ta ug kalipay kay walay saway.

Pero mahibaw-an nalang nato sa ulahi kita ra diay ang giunay.

Ika-lima si Lipstick, amiga na uga(matte) o danlog(Gloss) na puno ug atik

Siya ang klase na amiga magparamdam ra kung naay kinahanglan

Kung dili nato mahatag ang iyang tuyo dali rata niya kalimtan

Manabi dayon ni siya na ngil-ad daw ta ug Batasan

Wala mi pake day/dong kay kining kwarta amo ning hinaguan.

Ika-unom si Contour, amiga na kaya ka usbon

Siya ang klase na tawo ang gigahin puro konsumisyon,

Ipugos ka sa mga butang na ginadili na buhaton

Ipalayo ka niya sa positibo ug ipaduol sa mga temtasyon.

Ika-pito si Blush-on, amiga na pirmi ka papuwahun

Mga lihok ug lakaw kaya niya sundon,

Siya ang klase na tawo , pwerteng pagka suyaon

Dili ganahan malabwan sa tanang higayon.

Ika-walo si Eyeliner, amiga na kusog mamaglis

Mangita ug tsismis kay dili kumpleto iyang adlaw kung walay lalis,

Lupigon pa niya ang usa ka sikat na direktor sa silida

Dili ba ka mabang-an? Sa talentong pagka-himantayon siya ang kontrabida.

Mga gamit kini sila sa pampa-gwapa

Magkadugay makahatag ug bati diha sa imoha,

Kini makumpara sa atong kinabuhi na bisag daghan paka ug amiga,

Magpakalimpyo sila sa imuha kong naa kay ikahatag kanila.

Apan tagaan nato ug limitasyon atoang kaugalingon

Kay nihit na mangita ug tinud-anay na amiga karong panahon

Pasensya na kung ikaw naigo sa usa sa akong mga koleksyon

Wala ko nibuhi ug pangalan ug hinaot dili nimo dibdibon.

Pero kung masuko ka ug maayu sa akoa wala nakoy mahimo ana

Sa reaksyon palang nimo nihatag ka ug rason na ikaw dyud diay na

Kanindot sa pamati daghan kaayu ta ug amiga

Pero ang pamutana, tinud-anay ba gyud sila sa atoa?

📣This poem is not intended to hurt anyone's feeling. This is a literary piece (creative poem).

⭐⭐⭐⭐⭐⭐⭐⭐⭐⭐⭐⭐⭐⭐⭐⭐

⭐⭐⭐⭐⭐⭐⭐⭐⭐⭐⭐⭐⭐⭐⭐⭐