Lahat tayo ay may kanya-kanyang adhikain sa buhay na nais natin isakatuparan. Iniisip natin ito at pinaghahandaang mabuti. Sa kabila ng ating pagpaplano, minsan ay hindi pa rin ito nagiging sapat. Nariyan ang mga balakid na pumipigil sa atin. Ganun pa man, kailangan itong pagdaanan upang makamit ang inaasahang resulta sa hinaharap
Nalalapit na ang pagtatapos ko sa hayskul. Isa na namang yugto ng pag aaral ang magwawakas kasunod ng pagpasok ng bagong kabanata sa kolehiyo. Dito na babatay kung anung propesyon ang aking paghuhusayan upang paghahanda sa pagtatrabaho bilang isang indibidwal na mamamayan. Ang plano ko sa aking sarili ay maging isang inhinyero balang araw. Hindi lamang dahil maganda ang trabahong ito at maraming kalamangan sa ibang propesyon, kundi makatutulong ito upang paunlarin ang aking kakayahan at magkaroon ng kontribusyon sa sariling bayan. Mabibigyan ko din ng magandang buhay ang aking mga magulang sa trabahong ito.
Upang matupad ang mga planong ito, nangangailangan ng mahabang pagtitiyaga at panahon upang mahubog ang aking kakayahan. Mag-aaral pa akong mabuti bilang hakbang sa pagkamit ng aking adhikain at ito. Gagawin ko ang lahat sa abot ng aking makakaya at hindi papatinag sa mga problemang darating. Sisikapin kong ang panahon na aking gugugulin sa pag aaral at sakripisyo ng aking mga magulang ay hindi masasayang.
May mga paniniwala na nakatadhana na ang magiging buhay ng isang tao hindi pa man siya naisisilang. Ayon na rin ito sa mga palabas sa telebisyon at iba pa. Totoo man ito o hindi, may basehan man o wala, dapat nating isaisip na tayo ang gumagawa ng ating kapalaran. Nasa ating desisyon at mga aksyon ang kahihinatnan ng ating buhay sa hinaharap.
congrats😊