Ilang bato ang binangga upang ika'y maging akin
Ngunit kahit anong gawin di mo parin pinapansin
Pag-asa'y di mawawala ako rin ay iibigin
Panahon ay darating din ako'y iyong mamahalin
Pagmamahal ko sa iyo'y hinding hindi maglalaho
Aking ipagpapatuloy maalab na panunuyo
Sana ay iyong marinig sigaw nitong aking puso
Na alam mo na matagal na sayo'y nagsusumamo
Hindi ko alam kung kailan ito nagsimula
Pagkahumaling na sakin ay bigla nalang tumama
Pagmamahal ko sa iyo'y talagang nakatadhana
Kahit maraming pagsubok sa iyo'y di magsasawa
Sana'y magtapat ka sakin sa nakatakdang panahon
Sana'y 'di mo ako saktan sa iyong magiging desisyon
Sana'y hindi mo sayangin pusong sayo'y nakatuon
Sana'y marinig ko ngayon matamis mong pagsang-ayon
Huwag mo sanang kalimutan na 'di kita iiwanan
Ako ay nasa tabi mo kapag ako'y iyong kailangan
Hindi kita susukuan buhay ko ay ilalaan
Sa iyo sinisinta ko pag-ibig sana'y makamtan