0
15
Ayaw ko sumulat ng tula
kung ikaw lang din ang paksa.
Natatakot akong magbalik-tanaw
Sa kung ano ang nabuo sa atin dati.
Mali.
Sa kung ano ang muntik na sanang mabuo sa atin dati.
Ayaw ko na sumulat ng tula
Dahil alam kong ang tintang ipansusulat ko rito
ay mga alaala mula ng tayo ay nagkakilala
Ngunit bakit nga ba ako mag-aalala
Na maubusan ng tinta
Gayong batid ko naman na marami
akong alaalang binulsa noong kasama ka pa.
Ayaw ko sumulat ng tula
Tapos ikaw ang paksa
Dahil baka hindi mag-tugma
Ang bawat mong kataga dati
Sa kung ano ang ating sinapit ngayon.
Ayaw kong sukatin.