Blessed and Regrets

September 22, 2022

Pagkatapos mong pag-aralin ang mga magulang, ngayon anak naman pero sa huli ikaw pa din ang masama.

Mga salitang namutawi sa bibig ng kuya ni partner habang papalabas ng bahay at nagkakalkal ng barya sa kanyang bag.

Hindi ko alam ang pangyayari pero, base sa mga salita nya mukhang mainit ang ulo nya dahil pati anak ko na madalas nyang binibiro ay pinatulan nya.

Adrielle: ssshhhh keep quiet

Kuya: ikaw ang tumahimik dyan...

Me: napangiti at sinaway si bata.

Ito ung eksena kahapon, pero syempre ako ay hindi nag-uusisa/nagmaritess, pero base sa aking nalalaman sa 4 na taon kong paninirahan dito ay sila kasing mag-asawa ang nagpa-aral sa 4 na pamangkin ni Mami, dahil ung kapatid ni Mami ay namatay at ung asawa nito ay parang naging kasambahay nila ng libre na hanggang ngaun ay andun pa rin at nagseserbisyo sa knila.

Ang mga anak nito ay halos professional na, dalawang guro pero ung isa ay tutorial lang dahil ndi nakakapasa sa board exams, ung isa naman ay nakapag-asawa ng medyo malayo at ung isa ay may matino sanang trabaho kaso mahina sa pakikisama kaya laging nagreresign.

Dahil siguro nagigipit na din ang pamilya nila Mami kaya nakapagsalita si Kuya ng ganun, dahil ang nangyayari ngaun ay sila na naman ang nagpapabaon sa mga bata na apo ni Mami kung saan sila din ang nagpa-aral sa mga magulang nito.

Bukod sa pabaon ung panganay nitong apo na nag-aaral sa bayan bilang scholar ay madalas kasabay na din ito sa kotse paghatid sundo sa school kina Mami kaya naman laking ginhawa na sana ng mga magulang nito kung marunong lang sila sa buhay.

Kaso ang nangyayari ngayon ay umaasa sila ng lahat dito kina Mami, isa na nga dyan ang pagbili ng gamit 4 na bata, pambaon at madalas pati pagkain ay sa kanila na din.

Hindi naman sana magiging ganito ang sistema nila kung hindi nila kinunsinti ang magulang ng mga bata, ako base sa obserbasyon ko sa kanila, naging dependent yung mga magulang ng bata dahil isang takbo sa kanila kahit wala sila ay bibigyan nila, kahit may mga trabho ang mga magulang ay hinayaan pa din nila itong umasa sa kanila kaya ngayon, hindi makatayo sa sariling mga paa.

Ang sabi nga walang masamang tumulong sa taong alam mong nagsisikap din sa buhay, pero kung ang tinutulungan mo naman ay hindi din tinutulungan ang sarili aba gumising ka na sa katotohanan at turuan ng leksyon ang taong tinutulungan mo, dahil hindi habang panahon buhay ka para tumulong sa kanila.

Helping others is the secret sauce to a happy life - Todd Stocker

==

Sorry for posting using our native language, I can sense that I can't express what I wanted to say using english language, so please pardon me this time. Maybe next articles will be written in english for compliance char..for better understanding and reading.