read.cash Log in
@unknownymous19

BISPERAS Kapapasok pa lang ng buwan ng Oktubre ay marami ng ganap sa barangay namin dahil sa kapistahan matapos ang mahigit dalawang taon na natigil ito dahil sa pandemya. Muli na namang nanunumbalik ang saya at sigla ngayon nalalapit ang kapistahan ng aming barangay. Ilan sa mga di mawawala kapag pista ay perya, liga sa basketball, Barangay Got Talent, pageantry at parada sa barangay kung saan kasama ang ilan sa mga opisyal nito, banda, mga bata sa educare, mga guro at mga iskolar ng barangay. Kaya bukas panigurado, marami na naman ang mga dayo galing sa ibang mga barangay, makikikain at makikidalo sa mga kakilala o kaibigan. Naglalako ng ice cream, ice candy o ice drop, maririnig mo kahit saan ang kalembang ng bell. Di mawawala ang videoke sa kanya-kanyang tahanan. Ngayon nga ay maykumakanta na at di na naipagpabukas. At lalong lalo na, may ilan na makikita kang lasing sa kalsada Di po kami naghahanda tuwing pista. Ako lamang ay makikikain rin bukas at inalok na kami noong Biyernes pa lang sa kanilang tahanan. Birthday rin kasi bukas kaya doble celebration ang magaganap. Ako ay matutulog na rin dahil may pasok pa bukas pagkatapos nito. Sweetdreams! ☺️ PS. Anong ganap ninyo tuwing pista sa inyong barangay?

10 comments

Log in to join in Reading is open to everyone. Replying needs an account.