@mikel

"Kwento ni Willy" "Ako ay isang mag-aaral sa ikaapat na baitang sa Paaralang Maunlad sa lalawigan ng Aurora. Pangarap kong makapagtapos sa aking pag-aaral kaya titiisin ko ang mga paghihirap na dapat kong harapin. Hindi ko iniisip kung may mga bagay na dapat kong gawin kahit na mangahulugan ito ng ibayong paghihirap." "Ang aming lalawigan ay palaging dinadalaw ng malalakas na bagyo. Paborito kaming pasyalan ng mga ulan at hangin. Tinitiis namin ang paglakad sa mapuputik na daan lalo na kung tag-ulan at ang paglangoy sa baha kung tumataas ang tubig sa ilog kahit ito ay delikado at hindi dapat gawin o tularan." "Ang aming tahanan ay nasa kabila ng isang tulay. Isang araw, sa isang hindi inaasahang pangyayari, ang tulay ay nasira ng bagyo. Hindi agad naisagawa ang pagsasaayos sa tulay na ito sapagkat marami pang higit na kailangang unahin lalo ang naapektuhan ng bagyo. "Dahil dito, araw-araw akong naglalakad paikot sa kabilang baryo makarating lamang sa paaralan. Hindi ako lumiliban sa klase kahit basa na ang aking sapatos sa paghatak sa daang may baha o putik. Ang palagi kong iniisip ay ang pangarap kong makapagtapos ng pag-aaral." "Isang araw, napansin ng aking Guro na tila ba pagod na pagod ako at pawisan ng dumating sa Paaralan. Nalaman niya na sira ang tulay na malapit sa amin. Kaagad na gumawa ng sulat ang aking Guro upang maipakiusap sa kinauukulan ang agarang pagkukumpuni ng tulay." "Hindi naglipat-buwan, nagawa na ang sirang tulay at muli itong nagamit ng mga naninirahan sa aming lugar. Laking pasasalamat ng lahat ng aking kapitbahay sa naisagawang pag-aayos ng tulay." "Hindi naging hadlang sa akin ang anumang layo o hirap ng tatahakin patungo sa paaralan basta't makapagtapos lang ako sa pag-aaral."

Blessing ni Lord... Ang pagpapahalaga natin sa kalusugan ng ating katawan at isipan. Ito ay nagbibigay-daan upang malinang sa atin ang ugaling kumain ng tamang pagkain at magkaroon ng sapat na oras sa pagtulog, pamamahinga at ehersisyo. Gayundin ang pagiging maayos at malinis sa ating mga sarili. Lagi natin tandaan na "Ang Kalusugan Ay Kayamanan". Sinuman at lalo't higit ang ating Diyos ay magiging masaya kung inaalagaan natin ang ating kalusugan at pangangatawan. Isa sa mga kasiyahan ng batang malusog ay ang pagpapamalas ng kasiglahan at tiwala sa sarili. Bilang nilalang ng Diyos, may mga misyon tayo sa mundo na kinakailangang gampanan. Inaasahan niyang mapalago natin at mapangalagaan ang lahat ng kaniyang nilikha. Hindi natin magagawa ang misyong ito kapag madalas tayong magkasakit at walang kapayapaan sa ating buhay. Handog ng Diyos ang ating buhay. Marapat lamang natin itong ingatan at pahalagahan para sa sarili natin at para sa iba na nagmamahal sa atin.

pagiging matyaga.. Ang pagiging matyaga kasama na ang lakas ng loob ay isang napakagandang ugali na dapat mahubog sa isang batang katulad mo. Ang katangiang ito ay malilinang kung palagi mo itong isasagawa. Maraming matagumpay na tao tulad ng ating pambansang bayani na si Dr. Jose Rizal, na sa kabila ng pagmamalabis ng mga dayuhan sa kanyang pagkatao ay naging matatag sa paraan ng pagsusulat ng mga libro at inihayag ang kalabisang ginawa ng mga dayuhan sa mga pilipino. Sa kaniyang pagkakakulong sa Dapitan ay naging matatag sya at hindi sumuko sa laban para makamit ang inaasam na kalayaan. Nariyan din ang ating mga guro, mga doktor, at iba pang mga propesyonal na nakatapos ng kanilang pag-aaral dahil sa kanilang pagiging matyaga. Sila ay nagsisilbing modelo sa atin. Ang iba sa kanila ay maaaring mahirap ngunit hindi ito naging hadlang. Kahit na totoong sila ay kapos sa salapi at mahirap makapag-aral, tinanggap nila ito ng taos puso at hindi ito naging hadlang para sila ay magsikap. Gamit ang kanilang katatagan ng loob at tyaga naging maganda ang kanilang pamumuhay. Ang pagiging matyaga at matatag ang loob ay maaaring magawa ng isang batang tulad mo. Halimbawa, ang isang batang mtyaga ay nakakagawa ng kaniyang mga takdang gawain at iba pang proyekto upang makakuha ng mataas na marka. Natatapos niya ng mahusay at madali ang mga gawaing naatang sa kanya sapagkat isinasabuhay niya ang pagiging matyaga at may tatag ng loob.

ang pagtitimpi.. Ang pagiging mapagtimpi ay isang pinahahalagahang ugali na dapat isabuhay. Gaya ng ating mga magulang, sila ay nagpapakita ng pagiging mapagtimpi sa pagpapalaki sa kanilang mga anak.Ang ating mga guro ay ganoon din. Sa kabila ng mga kaguluhan, kakulitan, at pagiging pasaway ng mga mag-aaral, iniiwasan nilang magalit. Nagtitimpi sila dahil gusto nilang ipaalam sa mga mag-aaral na kailangan ang ugaling ito para sa magandang pakikisalamuha at pakikipagkapwa-tao. Naipapakita sa ugaling mapagtimpi ang pagmamahal na tapat sa isang tao. Ang taong ay nalalayo sa pakikipag-away. Dahil hindi siya madaling magalit o mainis, kinagigiliwan sya ng marami: sa pamilya, paaralan, o pamayanan. Sa lahat ng pagkakataon, kailangan natin ang magtimpi. Sa ganito, magiging positibo ang pakikisalamuha natin sa kapwa san man tayo tumungo.

newbie... hello,kamusta... first time magjoin dto at first time lng din magsulat ng sariling article ,. sana ,matulungan nyo rin ako ,magkaron ng points dto ky read.cash salamat and have a nice day s lahat...

WHAT IS THE DIFFERENCE BETWEEN BLOCKCHAIN AND CRYPTOCURRENCY