Mahahalagang Hiyas Tulad ng paghahanap ng mahahalagang hiyas, mapalad ka kung nakatagpo ka na ng kahit isang matalik na kaibigan. Isang kaibigan kung saan pwede mong gugulin ang iyong oras at ibahagi ang iyong kaligayahan at kalungkutan sa kaniya. Sa paghahanap ng kaibigan, hindi mo kailangang pekehin ang iyong sarili upang mapahanga lang o para magustuhan ka ng ibang tao. Sa halip, maging tapat ka lang sa iyong sarili at tanggapin kung ano ka. Iyon ang tunay na kahulugan tungkol sa pakikipag-kaibigan.

Bukod sa katotohanang ito ay isa sa pinaka nakakaakit at pinaka magandang relasyon sa mundo, ito ay itinuturing rin na isa sa mga yaman na maaaring taglayin ng sinuman sa atin. Upang mas maunawaan kung ano ang tunay na kahulugan ng isang kaibigan sa isang malikhaing paraan, narito ang isang tula na ginawa ko noon: *Mayroon kang kaibigan* *Meron din ako* *Itinuturing mo siyang parang isang hiyas?* *Ako rin naman.* *Minsan, ang isang kaibigan ay maaaring maging mabuti* *Minsan, ang isang kaibigan ay maaaring maging masama* *Maaari nilang baguhin ang iyong nararamdaman* *Pasasayahin at kung ano pa man diyan.* *Mayroon kang kaibigan* *Meron din naman ako* *Palagi siyang nandiyan kapag kailangan ko siya* *Tinutulungan niya ako kahit payat siya.* *Ang aking kaibigan ay tunay na kahanga-hanga* *Mabait siya, totoo iyon* *Kung binabasa niya ito, nagtataka ako kung ano ang magiging reaksyon niya* *Siguro, tatawa siya.* *Kung may kaibigan ka* *Gusto kong sabihin, mayroon din ako* *Magiging magkaibigan kami hanggang sa huli* *Sana nga magkatotoo.* Sa katunayan, ang mga totoong kaibigan ay nagbabahagi at tumutulong sa bawat isa kahit sa buong pinakapanghinayang na mga oras. Ang isang tunay na kaibigan ay gagawa ng paraan pa ikaw ay maging masaya, tutulongan ka kapag ikaw man ay nakakaranas ng pagkabigo, ipaglalaban ka sa mga taong nananakit sa iyo, sasabihin sa iyo ang totoong bagay tungkol sa kung ano ang mabuti o masama sa iyo, at hindi na magsasalita ng mga hindi kanais -nais na mga bagay sa likuran mo. Iyan ang totoong kahulugan ng pagkakaroon ng totoo at mabuting kaibigan - ***pwedeng ihalintulad sa mamahaling hiyas.***