@ThisIsStepBro 11 July 2021 more from that month

Rayuma, Osteo-Arthritis at Rheumatoid Arthritis Ang arthritis ay pamamaga ng kasu-kasuan o joints. Maraming klase ng arthritis. Osteoarthritis: Sa pag-edad, halos lahat ng tao ay nagkaka-osteoarthritis. Ang osteoarthritis ay pamamaga ng cartilage o butong-mura sa dulo ng mga buto dahil napudpod, kaya masakit at maga mula sa pagkiskis o paggalaw. Ang dahilan ng pagkakaroon ng osteoarthritis ay maaring namamana, dating injury o pinsala, sobrang pagtatrabaho at pag-edad. Kapag mataba o mabigat ka, mas magdidikit-dikit ang buto sa likod at tuhod dahil sa bigat ng katawan. Rheumatoid Arthritis: Ang rheumatoid arthritis ay sakit sa immune system kaya namamaga ang lining ng kasu-kasuan. Ang mga dapat kainin pag may osteoarthritis o rheumatoid arthritis ay mga pagkaing laban sa pamamaga tulad mga pagkaing mayaman sa omega-3 fatty acids tulad ng tawilis, tamban, dilis, hasa-hasa, galunggong, at talaba. Kumain din ng mga antioxidants o mayaman sa vitamin C tulåd ng papaya, kalamansi, suha, repolyo, kamatis, bayabas, mangga, berdeng sili (bell pepper) at singkamas. Kumain ng may beta-carotene o vitamin A gaya ng mga dilaw na gulay at prutas, kamote, mangga, papaya, at kalabasa. Dagdagan din ng pagkaing may vitamin D para tumibay ang buto gaya ng pula ng itlog, talaba, sardinas, tawilis, tumban, soya milk at kabute.