@sashley 29 July 2021 more from that month

Isang maulan at malamig na gabi sa inyong lahat mga kaingay. Ang ating bio na unang una at laging inaabangan ng lahat. Sobrang nakakapagpatibay at nakapagdudulot ng lakas ng loob. Makopya nga dito upang mabasa nating lahat ulit: "Kapag naglaho na ang pag-ibig, huwag iyuko ang ulo sa kalungkutan; sa halip, itaas ang noo at tanawin ang langit dahil doon ipinadala ang puso mo para maghilom."-Tagaloghugot- Ngayon alam ko na kung bakit madalas akong tumitingala sa kalangitan. Ang aking puso ay andoon pala. At nagpapasalamat ako dahil doon pinaghilom. Hindi sa kung saan saan. Ngayon wala na akong di kakayanin. Dahil kasama ko si Lord.🙏 Pinagtibay na ito ng panahon at mga pagsubok sa buhay. 💪💪Masaya lang ako dahil sa mga taong hindi ako kailanman sinukuan. Mga taong tinanggap ang buong ako. Mga taong nagtiyaga sa pagkalukaret ko. At magpahanggang ngayon ay andiyan pa rin sila para sa akin. Kahit na nag level up na ang pagkakrungkrung ko andiyan pa rin sila. Nakikihalakhak sa akin lalo na pag bilog ang buwan at oras na para ako ay magpapalit na ng anyo.✌😂 Nakikiiyak kapag ako ay nalulungkot at nagdadalamhati. Mga tunay na kaibigan. Maraming salamat sa inyo.😘 Maraming salamat sa Diyos dahil biniyayaan Niya tayo ng mga tunay na kaibigan at pamilyang hinding-hindi tayo kailanman iiwan kahit ano pa ang mangyari.🙏💚🙏