Ilusyon Oh karanasan, Ba't di ka malimutan Sumasagi sa isip hanggang sa kasalukuyan Dala-dala sa bahay pati sa paaralan Sa aki'y nagpapatawa paminsan-minsan. Nagsimula ito sa aming obserbasyon Naalala ko mga batang naroroon May kanya-kanya silang istasyon Kwentuhan dito, kwentuhan doon. Masaya pa rin ako kahit na ganon Nasalubong ko kasi ang aking ilusyon Namulat na ako sa klasrum sitwasyon Napasaya pa ako ng aking inspirasyon.