Ang iyong pagsuyo ilang taon ding tumagal
Sa poong may kapal aking dinadasal
Sa iyong pananalita ako'y tuluyang naniwala
Pagmamahal mong tunay sa mata makikita
Kay saya ng damdamin, kay sarap na isipin
Ang umibig nang muli'y hindi ko inakala
Sa isip ko'y ikaw na nga
Ang magsasagip nitong pusong minsan nang nasawi
Ang hihila sa akin upang makabangon muli
Lumipas ang kahapon, nag-iba ang panahon
Dumilim ang kalangitan, ako'y iyong iniwan
Kamay ko'y iyong binitawan sa gitna ng kadiliman
Hinanap kita upang sagipin
Mula sa matinding pagsubok natin
Sa gitna ng ulan, ika'y natagpuan
Iba ang iyong kapiling at kayakap
Puso ko'y parang sinaksak ng ilang ulit
Sa sobrang pait at sakit
Nawala lang ako saglit, sa iba ka kumapit.
"Nandito ako!" Aking sigaw
Ngunit sa kanya tila ayaw mo nang bumitaw
Ako'y muling nalugmok sa kalungkutan
Nang iwan mong tuluyan.
Tila ba ako'y napaglaruan
Ng tadhanang mapanlinlang...
At ngayon ay bumabangon
Sa pagkadapa mula sa mga hamon
Tatayo ako mag-isa,Na may pag-asa sa mga mata
Kailanma'y di na aasa, sa magagandang salita nila..
Wala lang... nainspire lang ako sa mga tula ni @siopao π. Di ko ma let-go ang notebook ko nuon buti na lang may Readcash pwede gawing notebook ng kahit ano. Haha!π
Pero itong tula na to ay inaalay ko sa aking kaibigan na naiwan..hehehe.! βοΈβοΈMinsan kailangan din nating gumawa ng mga salita na pwede silang makarelate. Para din sa mga mabilis umasa.. magsilbi sanang aral na minsan may scam din sa pag-ibig... π ππ