@juanmakata
Poems
These poems are in my native language. An katunok
Pumutok! Dumalogdog an langit ug tuna, Hitungod la sa imo pagminakasasala. Kadamo san baton, pasumangil ngan kataranta, Kay kun ungod waray mo kunta pagbuhata. Kangot-ngot ngan kasakit an akon ginbati, Tungod san waray upay na imo pakigsanggi. Sugad san tunok sa akon nakabasuni. Kay aa tinikangan ikaw waray ko ugaring makilal-i. Hain na an imo pagkamaupay? Kun mismo sa akon ikaw naglulumanay. Upaya an imo pamuhay-puhay, Kay sa akon dughan adi pa naguot an imk tiunay. Hingalimti Ayaw
Hingalimti ayaw inin akon pulong Pitik sinin dughan dire mapaparong Ikaw gudla, Inday, akon ginhahandom Kasakit san dughan, agod kumirom Parapangisda adton akon tatay
Kamakalilipay sinin amon tatay Waray pagkaguol waray pagkabudlay Timprano malakat dida sadton balay Pagdakop sib isda bisan la gutiay Buhat san timprano hulat na sa gawas Batay san pagsulpot sadton makabugwas Dire naparigo sigi la an punas Kay hinahagkot pa adton iya lawas Pungas madaliay gawas na sa balay Bitbit na an balon pas-an na an bugsay Kuha sadton pukot sa sugbong ginsablay Sakay sa baloto bugsay hinay-hinay Didi san pagsakay sigi paanod Masulog nga tubig iya gin susunod Napalutaw lutaw baga iton anod Tikang sa iraya ngadto sa ilawod Basket nga puno na iya iginpas-an Guliat san dako para maubusan Gutiay nga isda iya linabasan Kay siya nahadlok banginabuturan
No comments yet