Join 76,173 users and earn money for participation

Paano nga ba ang tamang pakikipagtalastasan?

19 43 boost
Avatar for francescawrites
Written by   112
1 month ago

Hindi ako banyaga ngunit tila ba hirap ako makaunawa sa wikang aking kinalakihan. Tila ba isang palaisipan ang mga letra o kung hindi man, ang mga salita na aking naririnig o nababasa sa araw-araw.

Filipino ako ngunit talaga nga ba? Bakit baluktot ang aking dila sa lenggwahe ng aking bayan?

Paano nga ba ang tamang pakikipagtalastasan?

Isa akong Filipino ngunit talaga nga ba?

Taong 2001, ipinanganak ako sa kalakhang Maynila ngunit nabuhay ako sa impluwensiya ng kanluran. Mula noon hanggang ngayon, dala ko ang tila ba dalawang kulturang namamayani sa akin. Ang mga salita o sa kung paano ako makipagusap sa araw-araw ay mababatid na hindi ko kayang magsalita ng tuwid na Filipino.

Kung titignan, maari nga. Sa mga katangian na mayroon ako, hindi ganoong kasingtulad ng typikal na imahe ng isang Filipina ang mayroon ako. Ayoko man gumawa ng stereotypes, batid ko na maaring kaiba nga ako. Mayroon akong singkit na mga mata at maputing balat na minsang pinuri ng mga kasama ko at pinagtaka ko. Siguro ang medyo malapad na ilong ko lang ang makakapagsabi na tunay ngang Filipino ako, katulad ng pamilya namin. Ngunit sa kung paano ang aming gawi at mukha, tila ba halo-halo ang mga ito.

Minsan kong nabasa ang isang matayog na artikulo ni Rizal. Nakalimbag ito sa salitang Tagalog (ang primordiya ng Filipino) at sa Espanyol. Di ko naman ito masisi sapagkat iyon ang kinalakihan niyang wika. Base rito, ang pagiging Filipino raw ay base sa ating puso. Kung ano ang sinasabi nito; ang ekstensyon ng pagmamahal mo sa bayan. Hindi lang dahil sa nagkamulat ka rito o hindi naman kaya ay dahil dito ka mismo ipinanganak sa silangang bayan.

Ang pagiging Filipino ay nasusukat sa pagmamahal at sa iyo. Ang pagmamahal at respeto sa Pilipinas at sa mga taong narito.

Hindi ito limitado sa kulay, kultura, o gawi pa man dahil ang lahat ng ito ay isang limitasyon lamang. Ang totoong Filipino ay mayroong pagmamahal sa sarili nitong bayan at oo, Filipino ako. Hindi man ako tulad ng iba ngunit alam kong mahal ko ang bayan na aking kinalakihan at nakauunawa ako sa salitang araw-araw ko ginagamit upang makipag-usap.

Ang estado ng salita at katayuan

Lumaki ako na dalawa ang salitang gamit, ang Ingles at Filipino. Mas madalas, gamit ko ang colloquial Filipino upang makipagtalastasan. Ito ang pinakamdaling paraan para sa akin sapagkat mas madaling unawain ang mga salita at katulad ng salitang Ingles, may pagkakahawig ang paraan ng pagsulat nito kaya hindi ako nahihirapan rito.

Gayun rin naman ang paggamit ng mga parirala na may kaugnay o hindi naman kaya ay kahalintulad ng salitang banyaga. Sa colloquial Filipino, maraming salitang hiram katulad na lamang ng paraan ng pagsasalita na tinatawag nilang Taglish.

Ito ay pinaghalong Tagalog at Ingles. Madalas may mga salita o parirala na walang kasingtulad na salita sa Filipino gayun rin sa Ingles at dahil karamihan naman sa bansa ay kaya makaunawa gamit ang dalawang wika, napagsama na ang mga ito sa kanilang araw-araw na pakikipanayam.

Ngunit tila ba ang tingin ng karamihan ay isang stereotype ang ganitong klase ng pananalita. Dahil karamihan ng marunong magsalita ng Ingles ay galing sa mga pamilya na nasa middles class o hindi naman kaya ay nakapag-aral, hindi nakakapagtaka na madalas ay simbolo rin ito ng karunungan at estado sa buhay.

Hindi maiiwasan na masabihan kang maarte, pabebe, o rich kid ng iba kapag narinig nila ang paraan mo ng pagsasalita. Mayroon pa nga na tila ba inihalintulad na ito upang gawin katatawanan ang ibang mga batang nag-aaral sa Maynila at nakikipag-usap gamit ang Taglish. Madalas ay may accent na nagbibigay-diin sa tila ba impluwensiya ng Kanluran na naipamalas na sa mga ito.

Kahit ako, bilang isang estudyanteng madalas ay nakikipag-usap sa paraang Taglish ay nakararanas ng ganitong klaseng diskriminasyon sa iba.

Ngunit hindi ba wala namang kinalaman ang wika at paraan ng pananalita sa kung ano tayong lahat?

Paano nga ba ang tamang pakikipagtalastasan?

Sa totoo lamang, hindi ako isang eksperto pagdating sa larangan nito. Siguro, katulad mo na nagbabasa nito ngayon, maraming palaisipang tumatakbo sa iyong isipan. Minsan naiisip ko, mali nga ba ang paraan ko ng pakikipag-usap?

Ang banyagang gawi ba ng aking pagbasa o pagsulat ay tila pagwili ko sa ibang kultura at paglimot sa aking pinagmulan?

Sa totoo lamang hindi naman basehan ang wika upang maging balakid sa pagbabahagi ng iyong sarili at sa pagpapahayag ng iyong nadarama. Hindi naikakahon sa salita, gawi o miski wika ang pagiging Filipino. Sa 120 lenggwaheng aktibong gamit ng mga Filipino sa iba't-ibang panig ng arkipelago, hindi maitatanggi na ang iisang wika ay hindi sapat na basehan upang ipamalas ang galing ng iba sa pakikipag-ugnayan.

Tunay nga siguro na ang Filipino ay wika upang ipakbuklod ang lahat. Isang paraan na marahil ay dahilan upang buuin ang bansa. Walang tama o maling gawi ng pakikipagtalastasan; walang batayan na dapat sundin.

Para sa akin, ang tamang pakikipagtalastasan ay ang paggamit ng wika sa paraang bernakulo. Sa gawing kaya maintindihan ng lahat. Gamit ang sarili nating wika, ipamalas natin ito upang buuin ang isipan ng iisang bayan.

Feel free to read my previous articles here:


Hi! I am @francescawrites and thank you for reading this write-up, tailored just for you! I cover up articles about topics that interest you and me, under the sun — name it all!

If you liked this content, consider liking and subscribing to me. For suggestions, comments, and inquiries, kindly comment down anything down there.

See you on my next blog!

You can also reach me via email: mail.francescabernice@gmail.com

You can also support me with tipb.ch/francesca


follow me on my social media accounts:

Let's connect!

10
$ 4.42
$ 3.95 from @TheRandomRewarder
$ 0.10 from @LucyStephanie
$ 0.10 from @dziefem
+ 6
Avatar for francescawrites
Written by   112
1 month ago
Enjoyed this article?  Earn Bitcoin Cash by sharing it! Explain
...and you will also help the author collect more tips.

Comments

Nasakop din kasi tayo ng iba't ibang banyaga kaya naimpluwensyahan ang ating wika. Napakahusay mo, Francesca dahil nasulat mo to sa wikang Filipino. Sguro kung ako to, Taglish na ginawa ko

$ 0.03
1 month ago

Salamat sa pagpapahalaga! Siguro nga ganoon ang dahilan bakit iba't-iba ang paraan natin ng pakikipagtalastasan. Gayunpaman, ipagbunyi natin ang atin salita at marahil, lubusan nating ipalaganap ito sa panahon ngayon.

Maraming salamat sa pagbasa!

$ 0.00
1 month ago

Walang anuman, kaibigan.

$ 0.00
1 month ago

Kahit nga Ingles may iba't iba paraan ng pananalita nila at pagbigkas ng mga salita. Ganun din tayo. Nakakabanibago lang na marinig ang ibang pananalita ng iba. Naalala ko tuloy nung nag aral ako malayo sa amin. Iba ang pananalita nila dun at sa tagal kong nag aral dun, naimpluwensiyahan ang aking pananalita. Pero ngayon na matagal na akong wala dun at bumalik na ako dito sa amin, nawala na un at ung pananalita namain namin dito sa amin ang aking nakasanayan.

$ 0.05
1 month ago

Kaya nga po, minsan hindi natin maiiwasan na sundin ang paraan ng pananalita sa lugar na kinabibilangan natin. Tila ba kasabay ng panahon, natutunan nating makihalubilo sa kultura at paraan ng pananalita ng iba. Tulad na lamang ng iba't-ibang klase at accent sa wikang Ingles, ang mga diyalekto at paraan ng pakikipag-usap gamit ang wikang Filipino ay may kanya-kanyang paraan ng paggamit.

$ 0.01
1 month ago

Sang-ayon ako sa sinabi mo na ang tamang pakikipagtalastasan ay naayon sa paraan o gawing kayang maintindihan ng taong gusto mong pagbigyan ng mensahe. Ang importante ay magkaintidihan kayo dahil iyon naman ang dahilan ng pakikipagtalastasan diba? At tama ka, na hindi lang sa lenggwaheng gamit matatawag na Pilipino ang isang Pilipino. Hanubayan, near to Balagtas na ang pananalita ko hahaha

$ 0.04
1 month ago

Sa true po iyan. Truly agree, grabe akala ko makata po kayo haha, charot!

Dapat lamang naman talaga na makipag-usap tayo sa paraang naiintindihan ng mga taong kausap natin dahil iyon ang dahilan kaya mayroon tayong wika.

$ 0.00
1 month ago

Bilib ako sa mga kagaya mo na nakakapagsulat ng purong tagalog. Hirap kasi ako eh.

$ 0.03
1 month ago

Salamat po sa appreciation! Hindi naman po ako kagalingan sa salitang Tagalog at kagaya niyo po, nahihirapan rin ako magsulat sa paraang ito pero yun nga po, dahil buwan ng wika, naisipan ko na importanteng magpahayag ako ng mga sintemyentong tulad nito.

Salamat po sa pagbas ng artikulo ko!

$ 0.00
1 month ago

Walang anuman beh..

$ 0.00
1 month ago

Opo yung iba ginagawang joke o biro yung paraan ng pagsasalita ng ibat tao lalo na yung gumagamit ng Taglish. Akala nila ay nagyayabang at umaarte lang sa pagsasalita ang mga ito, ang hindi nila alam ay nasanay lang ang mga ito sa gaanong paraan ng pakikipag usap. Tsaka wala naman po sa paraan ng pagsasalita at pakikipag usap ang basehan ng pagmamahal sa wikang pilipino.

$ 0.04
1 month ago

Tama, sumasang-ayon ako sa turang ito. Hindi naman mali ang pakikipag-usap sa paraang alam o kaya natin. Isa pa, para sa akin, kahit sino ay Filipino hanggat mahal at marunong tayong lumingon sa bayang ating pinagmulan.

$ 0.00
1 month ago

Tama po hanggat pusong pinoy ka ikaw ay masasabing tunay na nagmamahal sa wikang pilipino.

$ 0.00
1 month ago

Hindi naman kase maiiwasan na ma adapt natin ang iba't ibang wika at kultura ng mga banyaga dahil sa globalisasyon pero sana huwag pa rin natin kalimutan ang ating sariling kultura

$ 0.03
1 month ago

Isa pa, isa tayong produkto ng kolonyalismo. Hindi maitatanggi na malakas ang impluwensya ng kanluran sa bansa natin. Miski nga ang ibang Filipino ay mas pinipili ang kulturang banyaga sa halip na pagbunyi ng ating pinagmulan.

Ganun pa man, wala namang masama sa paggamit at pagpapahayag ng sarili natin sa kahit ano wika o paraan man iyan.

$ 0.00
1 month ago

Na adapt n din kc natin ang foreign language/s pero wag p rin kalimutan ang sariling wika

$ 0.03
1 month ago

Kaya nga po eh, parang halo na talaga sa atin. Katulad nga ng nasabi niyo, kahit sa ano pa man tayong salita kumportable, piliin pa rin nating lumingon pabalik sa sarili nating wika.

$ 0.00
1 month ago

Tama wagbkalimutan ang ating wika.. Imagine dati english lnh pero dahil s kdrama uma annyeong, aigo, saranghe na tau jejeje

$ 0.01
1 month ago

Sa totoo lang tapos may plano pa ang gobyerno na ituro yung sa mga bata. Tila ba nakalilimutan na nila ang bayan natin at salitang atin.

$ 0.00
1 month ago