Ako'y Tinakam At Pinatikim Lamang

Magandang gabi sa lahat, Kumusta po kayo? Napagdesisyunan ko na magsulat sa sarili kong wika o salita bilang aking paggalang sa aking sariling wika at bilang pagbibigay-pugay na rin sa Buwan ng Wika ngayong buwan na ito po, lol. Ang aking isusulat dito ngayon ay base at hango po sa aking sariling karanasan at hindi kinuha sa kung saang lupalop o sa internet, lol.

Ako'y Tinakam At Pinatikim Lamang

Opo, ako lamang po eh tinakam at pinatikim lamang, sa dahilang hindi ko po maintindihan.

Ako'y tinakam at pinatikim lamang dahil sa ngayon po, ako'y nasa bahay at tambay lamang.

Ako'y tinakam at pinatikim lamang dahil pagkalipas ng labingwalong araw, ngayon po ako'y tambay at kasalukuyang nakapirmi lamang sa aking bahay.

Opo, ako'y tinakam at pinatikim lamang pagkaraan ng isang taon at kalahating paghihintay sa trabahong aking muling inasam at sa mga kasamahan sa trabaho na akin ng naging matalik na mga kaibigan.

Mahirap po pala na ikaw lamang eh tinakam at pinatikim lamang, lol, ngayon ika'y bitin at naghahanap na ng iba mong pwdeng paglibangan.

Ako'y tinakam at pinatikim lamang, ngayon ako'y nganga at hindi na malaman kung ako'y magiging ganito na lamang habambuhay o may bagong pag-asang makakamtan?

Ako'y tinakam at pinatikim lamang dahil ngayon, ultimo ang aking pag-ibig at sinisintang iningatan sa loob ng mahigit tatlong taong nagdaan, parang bulang naglaho at tinangay lang sa kalangitan.

Ako'y tinakam at pinatikim lamang dahil ngayon, ang pag-asa at pag-ibig na aking pinakaaasam-asam eh tuluyan na bang mawawala o maglalaho ng tuluyan?

Naranasan nyo na po ba ang ganitong bagay o karanasan? Ang kayo'y tinakam at pinatikim lamang?

Ako'y tinakam at pinatikim lamang dahil ngayon, ang aking karanasan o naranasan eh akin na bang dapat kalimutan para sa bagong karanasan o buhay na alam kong aking makakamtam kung ako'y mananalig at muling kakapit sa Poong Maykapal?

Ako ba talaga'y tinakam at pinatikim po lamang? Ano po sa inyong palagay dahil sa ngayon at sa totoo po lamang, ako po ay hindi na po dito talaga mapalagay, lol.

Ako'y tinakam at pinatikim lamang dahil ngayon, ako'y apat na araw ng walang trabaho at bumalik ulit sa buhay na walang ibang maaasahan kundi aking sarili ulit lamang.

Masakit po pala ang ika'y tinakam at pinatikim lamang, ngayon, ito po ba'y aking dapat pagsisihan o dapat ko po isipin o ilagay sa aking isipan na ito'y isa lamang ulit pagsubok sa aking buhay na dapat kong malagpasan? Ano po sa inyong palagay?

Ako'y tinakam at pinatikim lamang dahil ngayon ko po talaga napatunayan na mahirap ang mabitin at malagay sa bingit ng alinlangan, ang bagay o karanasan na hindi agad naiwasan sa simula pa lamang kung akin lamang agad nalaman.

Ako'y tinakam at pinatikim lamang, ngayon ako'y nag-iisip na ng ibang bagay na pwde kong pagkakitaan kung sakaling ang ganitong bagay o karanasan eh tumagal ng habambuhay.

Hanggang dito na lamang po, lol, ang aking tanong na lamang po sa inyo eh, kayo po ba'y tinakam at pinatikim din lamang po ba? Lol, lubos ko pong ikakagalak o ikakatuwa marinig ang inyong saloobin o opinyon o sagot sa aking tanong, magandang gabi po ulit sa lahat, ito po ang inyong lingkod na nagsasabing ako'y tinakam at pinatikim lamang kaya ngayon ako'y kakain na po dito ng aking hapunan, lol.

P.S. wala na po kasing maisip kaya ito na lamang po ang aking isinulat, ito'y talagang base sa aking buhay at karanasan po dito, ang trabahong panandalian, tinakam at ako'y pinatikim po lamang.