Minsan ang sarap isipin na walang problema
Lahat ng nangyayari sayo eh naaayon sa kagustuhan mo
Na pwede mong piliin ang ending ng istorya mo.
Minsan maganda mangarap
Mangarap ng gising
Habang kasama ang mga mahal natin
Walang sakit, walang covid.
Masarap iextend ang panaginip
Lalo kung masaya, magaan, maaliwalas
Kaso laging may panira
Ibabalik tayo sa mundong puno ng gulo at masasamang balita
Gaya nung nakaraan
May pinatay sa kabila
Di lang iisa ang tama kundi apat napu at walo pa
May mga nakakita kaso ayaw magsalita
Kasi baka pati sila ay madamay pa.
Yung si kapitbahay na chismosa
Ayaw pa din manahimik
Panay pa din ang bira
Na kesyo ganito, ganyan, hay ano ba!
Pero ano nga ba ang ating magagawa
Ke panaginip o totoo man ang ating kwento
Kailangan pa ding magpatuloy ang mga kabanata nito
Ganun talaga, minsan maganda
Pero may mga magugulo din talaga
Na ang hirap ayusin kasi nagkabuhol-buhol na
Na kung pwede lang deadmahin na
Kaso babalik at babalik pa din talaga sa simula
Kung saan kailangan ayusin anumang gusot na pilit mong tinatalikuran
Kaya minsan, maganda talaga matulog muna
Magpahinga at huminga
Kasi mahirap iwas ng iwas
Mga kwento talaga ay kailangan ng wakas
Pero bat yung Ang Probinsyano?
...^•°...
O sya kaibigan, napadaan lang ako
Salamat sa pagbisita mo
Pakisagot nga please yung tanong ko🙂
Lead image is mine.
#originalcontent
Nakakalungkot nga lang talaga ang realidad. Na minsan ay talagang mas masarap ng mangarap ng gising na kung saan ikaw ang bida sa istorya at lahat ay tamang good vibes. Parang feeling ko napapatula o nagtutula ako. Hahahaha. Sana lang talaga kung hindi man mawala ang kasamaan sa mundo ay manaig ang kabutihan.