Gusto ko sumigaw!

8 14
Avatar for bbghitte
3 years ago

Gusto ko sumigaw

Mag-ingay, at gumalaw-galaw

Pero tila ba ako'y napipi

Walang lumalabas na ni isang salita sa aking labi.

Ayoko ng ganito

Tahimik, malungkot, nakakatuliro

Gusto ko masaya, nagmamahalan at walang gulo

Pero bakit ba nagkaganito

Bigla na lang nagsipagbago.

Nakakabingi!

Nakangiti pero di buo, ang hirap itanggi

Na tayo ay may problemang malaki

Iwasan man natin ay sadyang sasabog na sya sa ating mga harapan

Na kung di natin pag-usapan ay di ko na alam.

Pamilya tayong huwaran

Mga tao gusto tayo tularan

Papuri kahit saan, pero ano na?

Bakit parang tayo ay biglang nagkanya-kanya?

Asan na ang turo ng ating mga magulang

Magbigay galang, mapakumbaba, magmahalan

Luha ko'y gusto ng bumagsak

Di sa galit pero sa hinagpis

Sadyang masakit makita ang ating inang nagtatangis

Pinipilit magpakatatag, maging maayos ang lahat

Pero ang puso mo ay napakatigas

Kahit anong pagsusumamo ay di ka natitinag

Kabutihan mo lang kanyang pangarap

Mahal ka nya, mahal nya tayong lahat

Nakakadurog ng puso

Parang ang yakap ko ay di sapat

Para ibsan ang sakit ng iyong pagtalikod

Pamilyang sa iyo'y humubog

Isang iglap lang ay iyong binugbog.

Oo kapatid, gusto kong sumigaw

Ang lungkot na iyong dulot ay nag-umaapaw

Mga ngiti at tawa ay sadyang di na sapat

Sana mahanap mo sa iyong puso ang pagmamahal na dating mong naramdaman

Sana di tuluyang mabalot ng galit o kung anuman

At patuluyin mong dumaloy ulit ang alab at init ng taglay nito

Di dahil pamilya tayo, kundi dahil mahal na mahal ka namin kapatid ko.

Ipinagdadasal ko

Sa Poong Maykapal kapatid ko

At sana ay dinggin agad ito

Dahil baka di ko na kayang piligan ang luha at mapapasigaw na talaga ako.

...^•°...

Salamat sa pagbabasa sa aking kwentong tula

Minsang lang dapuan ng inspirasyon ang nagpupumilit maging makata

Wag ka na tumawa, alam ko di ako ang pang-idolo

Pero minsan masarap talaga magsulat para nalalabas ang damdamin mo

Kaysa naman sariliin lang ay baka sakit pa abutin ko

Hanggang sa muli mga kaibigan

Salamat at ikaw ay napadaaan.

...^•°...

XOXO,

bbghitte

Lead image is mine.
#originalcontent #readcash #noisecash

2
$ 0.65
$ 0.65 from @TheRandomRewarder
Sponsors of bbghitte
empty
empty
empty
Avatar for bbghitte
3 years ago

Comments

OMG, am not really good with writing in Tagalog. Parang... I failed sa Pilino subject. 😍

So talented is @bbghitte. 🧡🧡🧡

$ 0.00
3 years ago

Aw, thanks Ms. Judith💓💓💓

$ 0.00
3 years ago

Kahit pigilan, na tayo na ay masaktan. Kasunduang huwaran, yan ang ating tatayong tagumpay. Sa mata ng iba, pagtatangis ay tila walang langis. Pero ang langis, ay ang magsisilbing padulas patungo sa tinig mong matinis

Ika’y sumigaw, Ilabas at humiyaw. Huwa’g mahiya, Sapagkat ani mo nga, ang kapatid ay ang ating magsisilbing katinig.

$ 0.05
3 years ago

Aw, salamat! Ganda rin ng dugtong💗💗💗

$ 0.00
3 years ago

Ang gandaaa, mababaw pero may malalim na meaning 🥺❤️

$ 0.00
3 years ago

Salamat💗💗💗

$ 0.00
3 years ago

Isa kang dalubhasa sa pagawa kaibigan,nawa'y ikaw ay makagawa pa ng marami para sa kapwa'y maging mabuting halimbawa...hehe,try lang

$ 0.05
3 years ago

Salamat kaibigan ☺️

$ 0.00
3 years ago