Ang Ginoo maoy atong Dalangpanan. Duyog sa pagbakwit sa kangitngit ug pagitib sa bidlisiw sa haring adlaw, Nga maoy nagduslit sa kainit sa silaw aron motuyhakaw ang banag-banag sa bag-ong kabuntagon.
Ako nangaliyupo kang Bathala kay ibundak sa inyong mga abaga ang mga grasya nga nahimong hinagiban sa pagkab-ot sa mga butang nga inyong ginamithi ubos hilandong sa mabulokon tang kalibutan.
Ang Diyos, maoy atong dalangpanan ug kusog andam sa kanunay pagtabang panahon sa kalisdanan.
Busa dili kita mahadlok bisan matay-og pa ang yuta ug matumpag ang kabukiran ngadto sa kahiladman sa dagat. Bisan pa’g mudaguok ang dagat ug magpungasi ang mga balud ug matay-og ang kabunturan sa gahom niini.mahisuba kang sang tubig naghatag sa kalipay sa balaanong puluy-anan sa labing halangdon.
Ang Diyos anaa magpuyo niini diin kini mahadlok nga matumpag kay sa sayong kabuntagon moanha siya aron sa pagtabang niini, nagalisang ang kanasuran kung matay-ug ang mga gingharian inig singgit sa Diyos ug matunaw ang yuta.
Ngari kamo tan-awa na nahimo sa Ginoo, tan-awa ninyo kahibulungang butang na iyang nahimo dinhi sa kalibutan.gipahunong niya ang mga gubat sa tibuok kalibotan ug gibali-bali niya ang mga pana ingon man ang mga bangkaw gisunog niya ang mga taming,miingon siya, hununga na ang inyong panag-away ug ilha nga ako ang Diyos ang labawng pangulo sa kalibutan ingon man sa tibuok gingharian.
Ang Ginoo nga makagagahom kauban kanato, ang Diyos ni Jacob maoy atong dalangpanan, Busa kamong mga kabatan-onan tahura ang inyong mga ginikanan ug ang mga katigulangan kay mao kini ang husto nga adunay saad.
Pag-ampo kamo kanunay “Ayaw ninyo kalimiti ang basahon sa balaud, kinahanglanon tun-an ninyo kini adlaw ug gabii ug magkinabuhi kamo sumala sa tanan nahisulat niini : (Joshua 1:8)…
DALAYEGON ANG TANAN SA DIYOS, MAAYONG GABII!
Intellectual Property 2021 by SwertresFanaticsOzamis . All rights reserved