Mag simula tayo sa wakas.
Kung kailan ang lahat ay parang wala ng pag-asa pa. Na maibalik o kahit maitama man lamang ang mga pagkakamali ng nakalipas.
Kung saan ang isang malawak na palasyo na puno ng saya at musika ay napalitan ng nakabibinging katahimikan. Ang dating maraming tao ay naubos, parang bula na naglaho.
Mga sandaling binalot ng dilim ang puso at isipan ko. Na kahit anong lakas ng ilaw ay di ko maaninag ang liwanag. Dilim at katahimikan na unti-unti ay pumapatay sa aking katawan, puso at isipan.
Isang pagkakataon lang ang hinihintay ko para wakasan na ang paghihirap na ito. Isang pagkakataon lang upang makaramdam kung paano maging malaya sa sakit at paghihirap mula sa mundong ibabaw.
Isang pagkakataon na babago sa buhay ko.
At ang pagkakataong iyon ay IKAW.
Ikaw. Ikaw na tinanggap ako. Mula ulo hanggang paa. Ang baho at halimuyak ng pagakatao ko ay di mo alintana. Maging ang mga pagkakamali ko sa nakaraan ay buong puso mong tinanggap nang walang halong panghuhusga.
Ikaw na niyakap ako. Mga gawi at nakasanayan na di kaaya-aya, mga bagahe mula sa nakaraan na ayaw ko ng balikan. Lahat ng tungkol sa akin ay niyakap mo.
Ikaw na pinanindigan ako. Sa dami ng taong kilala ko bukod tangi na ikaw lang ang nanatili sa tabi ko. Pinanindigan mo ako.
Ikaw na pinili ako. Sa kabila ng lahat ng pagkukulang ko, mga away at tampuhan nating pinagdaanan. Ni minsan, kahit isang segundo, hindi ko naramdaman na wala na ang pagmamahal mo sa akin. Salamat sa araw-araw na pagpili mo sa akin.
Sa wakas, hindi ko na mararanasan pa ang matulog sa gabi nang mag-isa. At gumising sa umaga na walang kagana-gana.
Sa wakas, at mayroong isang tama sa lahat ng desisyong nagawa ko. Ang piliin ka araw-araw.
Magsisimula akong muli sa wakas.
Ngunit sa pagkakataong ito hindi na ako nag-iisa. Hawak ko ang kamay mo. Sabay natin haharapin ang mundo.
Sa harap ng Diyos at ng madla,
Sa wakas, tayo ay magiging isa.
Ang Sa Akin Lang
Masarap sa pakiramdam kapag natagpuan mo na yung taong itinadhana para sa'yo. Kaya wag kang mapapagod magmahal kahit paulit-ulit ka pang masaktan. Dahil ang lahat ay nakatakda na. Sa tamang oras at pagkakataon, ang taong inilaan Niya para sa'yo ay makikilala mo. Ang luha ng kalungkutan ay mapapalitan ng walang hanggang saya sa tamang tao, sa tamang panahon.
Masasabi kong nasa tamang tao na ako ngayon. Ikaw? Nasa tamang tao na rin ba?
πππ
If it's not too much trouble, you can check my latest 5 articles below. Thank you, big time!
Answering Never Have Ever I Questions
The Beauty and Pain of Falling in Love
πππ
Sources:
Lead image is from Pixabay.
Words have been checked thru Dupli Checker Plagiarism Checker.
If you wanna know some of my daily activities, short posts or want to have some good vibes, you can visit my Noise accountΒ MrsPepper.
Sobrang sweet naman sis. Ang ganda naman ng mga words. Ang sarap pakinggan. Love month na talaga sis. Ilang araw na lang.β€οΈ
Oo sis tama, ang sarap sa pakiramdam na natagpuan mo na yung tamang tao na nagbibigay ng saya at suporta sayo. Kung nakaranas man nasaktan darating din ang araw na mapalitan yun ng saya at natagpuan mo na ang taong para sayo