Pinapalaya na kita, Mahal ko. Mula sa pagkakabilanggo mo sa puso ko nang ilang taon. Lugar na laan para lamang sa'yo mula noon hanggang ngayon.
Pinapalaya na kita, Mahal ko. Mula sa mga bisig kong naging sandalan mo. Noong mga panahong mag-isa ka at walang nakakaunawa sa'yo.
Pinapalaya na kita, Mahal ko. Hindi dahil hindi na kita mahal. Kung hindi dahil alam kong wala na talagang pag-asang bumalik sa dati ang lahat.
Ilang gabi, linggo din akong nagbulag-bulagan. Nagbingi-bingihan. Patay malisya sa sitwasyon nating dalawa. Dahil sa pag-asang babalik pa ang 'Dating Tayo'.
Pero ang lahat ay naglaho na. Mga nakaraang puno ng tamis at saya. Mga sandaling mananatili na lang sa aking ala-ala.
Batid kong nasaktan kita nang labis. Nasira ko ang tiwala mo, nawasak ko ang puso mo. Ilang beses man akong humingi ng tawad sa'yo, alam kong huli na ang lahat. Hindi na maaari pa.
Patawad kung hindi ako naging matatag tulad mo.
Patawad kung hindi ko na kayang tuparin ang mga pangako ko.
Patawad kung nagpadala ako sa tukso sa paligid ko.
Patawad kung pakiramdam mo hindi ka naging sapat, kahit alam natin pareho na ako ang siyang hindi naging tapat.
Pinapalaya na kita, Mahal ko. Hindi man ngayon, pero sana sa tamang panahon ay mapatawad mo rin ako.
Hanggang sa muli nating pagkikita,
-Ang Nangaliwa Mong Karelasyon
Lahat ng relasyon dumadaan sa problema. Dito nasusubukan yung paniniwala at pagmamahal ninyo para sa isa't isa. Isa ang pangangaliwa o pakikipag-relasyon sa ibang tao sa maraming problema na posibleng kaharapin ng magkarelasyon, magkasintahan man o mag-asawa.
Kung anuman ang dahilan o kung paano nagsimula, ang pakikipagrelasyon sa iba ay maituturing na kasalanan. Kaya mahalaga na humingi ng tawad sa taong nasaktan kasabay ng pangako na hindi na uulit pa. Maswerte ka kung mapagbibigyan ng ikalawang pagkakataon. Pero kung hindi na, sana maging aral na iyan para sa'yo.
Isa pa, ang pagpapatawad ay kusang ibinibigay. Hindi dapat pinipilit. Hindi minamadali. Hindi inaapura. Sa tamang panahon, dadating ang araw na mapapatawad ka niya. Pareho kayong magiging malaya sa sakit na dulot ng isang mapait na karanasan.
Ang Sa Akin Lang
Pahinga muna tayo sa Ingles. Mahalin muna natin ang sarili natin este ang sariling atin. Dami ko pang naka-draft na Tagalog articles. Sana madugtungan ko na kayo hahaha
Shout out pala kay @zolabundance2 salamat sa suporta! Lablab😘
💚💚💚
If it's not too much trouble, you can check my latest 5 articles below. Thank you, big time!
The Beauty and Pain of Falling in Love
A Look Back At High School Musical
My One Year Journey in noise.cash
💚💚💚
Sources:
All images are from Pixabay.
Words have been checked thru Dupli Checker Plagiarism Checker.
If you wanna know some of my daily activities, short posts or want to have some good vibes, you can visit my Noise account MrsPepper.
Tiwala ang pinaka mahirap buoin sa lahat kaya dapat pahalagahan dahil taon ang aabutin mabuo ang nasirang tiwala. Napakagandang tula na galing sa iyong puso.