Mabilis Ang Karma

Minsan sinasabi natin na hindi patas ang buhay. Palagi natin tinatanong sarili natin kung bakit na lang tayo naghihirap, habang ang iba ay lagi na lang nabubuhay sa karangyaan? Kung bakit nang galing ako sa mahirap na pamilya at hanggang ngayon ay naghihirap pa rin? 

Sabagay, ganun naman talaga tayo, binabato natin sa tadhana ang mga pangyayari, hindi natin naiiisip na tayo lang naman talaga gumagawa ng tadhana natin. Lahat tayo ay may sariling desisyon na ginawa sa buhay natin, maging tama man o mali, ang lahat ay nangyari dahil na rin sa mga paninindigan at naging desisyon natin. 

May isang palabas sa telebisyon na kinagigiliwan ko ngayon sa dahilan na marami ka dito na mapupulot na aral tungkol sa ating ordinaryong buhay. Sa isang punto ng palabas, ibinahagi dito ang buhay ng tatlong magkaibigan na nanunumpa sa isa’t isa na kung may mananalo sa kanila sa lotto ay kanila ito’ng paghahati-hatiin ng patas sa kanilang tatlo. 

Ang swerte naman ay hindi mailap sa tatlong magkaibigan, dahil isang gabi habang pinapanood nila sa telebisyon ang resulta ng lotto sa araw na yon, isa sa magkaibigan, si Pepe, ay nanalo ng jackpot, at naiyak na lang sa tuwa ang tatlo.

Ngunit, di nila inakala na si Pepe ay mag tatraydor pala sa kanila. Nang makuha ni Pepe ang pera, bigla nya’ng sinabihan ang dalawa na wala na man daw silang ginawang sumpaan tungkol sa hatian.

Si Juan, isa sa dalawang nalungkot dahil hindi nahatian ng panalo nila, ay sumangguni sa isang abogado tungkol sa nangyari. Ang magkaibigan ang nagharap sa korte ng dahil sa panalo nila, at kahit na wala silang matibay na patunay tungkol sa sumpaan ay napanalo pa rin ni Juan ang kaso dahil sa testimonya ng isang babae na barista na nakarinig sa usapan nilang magkabigan ng gabi na yon. 

Tuwang-tuwa si Juan, sa wakas ay nakuha na niya ang kanyang parte sa jackpot na higit sa isang milyong dolyar. Ngunit si Juan ay biglang nagbago din ng napasakamay na nya ang pera, araw2x na niya’ng inaaway ang asawa nito dahil ayaw niyang mag ipon sa isang “trust fund” para ma sigurado ang pag-aaral ng dalawa nitong anak. Ayaw din nya e-invest ang pera para sa sarili nilang bahay at negosyo. 

Ang pagmamaktol pala ni Juan ay dahil gusto niyang takasan ang responsibilidad nya sa pamilya nya. Si Juan at ang babaeng barista na testigo nila sa korte ay patagong may relasyon pala, kaya pinipilit na ngayon ni Juan na makipag hiwalay ng legal sa kanyang asawa at ma solo ang pera. 

Habang gulong gulo na ang kwento ng buhay nila mag-asawa dahil sa hiwalayan, si Juan naman ay nabuhay ng marangya, bumili pa ito ng mamahaling sasakyan. 

Ngunit isang araw, habang kinukulit ni Juan ang kanyang asawa na pirmahan ang divorce papers, tumakbo ang asawa palayo sa lalaki para iwasan ito. Sumakay naman si Juan sa bagong sasakyan niya para habulin ang babae, at dahil sa pagmamadali ay hindi niya namalayan na may malaking trak pala na mabilis ang takbo sa kanyang direksyon at biglang naararo ng malakas ang kotse ni Juan.

Si Juan ay namatay dahil sa aksidente na yon. Ang asawa at dalawang anak nila ay namana ang natirang pera ni Juan na nasa isang milyong dolyar pa rin, kasali na ang binipisyo na makukuha ng pamilya galing sa insurance ni Juan.

Uu nga naman, sino mag aakala ng dahil sa mga maling desisyon ni Juan sa buhay nya pagkatapos nya'ng makamit ang pinakamalaking swerte nito ay hindi rin pala nito matikman ang maayos na buhay. Minsan naiisip ko na siguro hindi para kay Juan ang pera, nagiging instrumento lang sya para mabigyan ng maayos na buhay ang kanyang pamilya. Pero kung nanatiling tapat si Juan sa pamilya niya, siguro may happy ending rin sa kwento ni Juan. Sayang.

Tada! At last! Nakapagsulat rin ng isang artikulo na sa wikang Filipino, bago man lang matapos ang Buwan ng Wika na ginugunita sa buwan ng Agosto.

Kaya sa mga kaibigan kung hindi nakakaintindi sa language na ito ay alam nyo na ang inyong gagawin para ito ay masalin sa wikang English. Good luck and enjoy!

Thanks for reading! And, hugs to all for the effort, hehe!

Lead Image by me.

First photo from Patama at Hugot Quotes Facebook Page

Last photo from Tagalog Love Quotes Facebook Page

All Original Content (unless specified otherwise)

08/24/2022

©️ LykeLyca

Write articles and join us! Click read.cash

Make some noise by writing short posts. Click noise.cash

Join us on #Club1BCH Discord Channel