@Laurenceuuu 16 May 2021 more from that month

Victory and Humanity: Upholding Filipino Heritage and Identity This is my entry on the essay contest on our school. Some of you will not understand this because it was written on our native language, Tagalog. To my fellow Filipinos, feel free to ignore this but if you want to read it, please leave your feedback if possible. I'm accepting constructive criticism to improve this. I included the key points and the outline while writing this. The outline will consider as the summary of the whole context. **KEY POINTS** **Commemoration**- pagdiriwang **Solidarity**- pagkakaisa **Uphold**- support. **Heritage**- pamana THEME: VICTORY AND HUMANITY: UPHOLDING FIIPINO HERITAGE AND IDENTITY

**OUTLINE:** Ang mga Pilipino ay kilala dahil sa natatanging ugaling moral ng bawat isa Hospitality Pagmamano Ito ay namana natin sa ating mga ninuo na talaga naming naiiba at marapat lamang na ipagmalaki Bukod sa mga ugaling ito, kilala rin tayo bilang palaban pagdating sa ibat-ibang larangan. Katulad ng isports na boksing, Manny Pacquiao Miss. Universe Sa kasalukuyan ay tanging sa mga Pilipino mo lamang makikita Nagpapasalamat sa pamana ng ating mga Pinuno Ang natatanging lakas, ugali at ganda ay namana sa ating mga ninuno Kaya, nakakatuwang ipinagdiriwang natin ngayon ang ika-500 na anibersaryo ng pagkapanalo sa Mactan ng isa sa mga itinuturing na unang bayaning Pilipino, si Lapu-lapu. **ESSAY** Ang mga Pilipino ay kilala dahil sa natatanging ugaling moral ng bawat isa. Isang halimbawa nito ay ang pagmamano, tayong mga Pilipino ay tinuruan ng ating mga ninuno kung paano magbigay galang sa simpleng pagkilos ng ating mga kamay na talaga namang natatangi sa ibang bansa. Sa katunayan, nakalakihan na ito ng bawat isa sa atin at patuloy na isinasalin sa mga susunod pang mga henerasyon. Isa pang ipinagmamalaki ng mga Pilipino ay ang pagpapakita o pagbibigay ng kabutihang loob sa bawat isa. Ang halimbawa nito ay ang pagtanggap ng may galak sa puso ng may bahay sa mga bisita, malugod natin silang tinatanggap at pinapapasok sa loob ng ating mga tahanan, kung minsan pa nga ay inaalok pa natin ang mga ito ng pagkain upang maiparamdam na ang bawat isa ay malugod nating tatanggapin. Ang mga ugaling ito ay namana natin sa ating mga ninuno kaya marapat lamang natin silang irespeto at igalang. Kung hindi dahil sa kanila ay maaaring wala tayo ng mga bagay na ito. Bukod sa mga ugaling ito, hindi rin tayo nagpapahuli pagdating sa iba’t ibang larangan tulad ng isports. Sa katunayan ay maraming beses na tayong nakatanggap ng gintong medalya at kilala sa iba’t ibang panig ng mundo nang dahil sa mga nakamtan nating papuri. Kung meron tayong isports na kadalasang ginagamitan ng lakas, kilala rin ang mga Pilipino pagdating sa ganda, itsura, at talino. Tayo ay kilala sa pagtatanghal ng naiibang ganda, nito lamang nakaraang taon ay kinoronahan ang kinatawan ng Pilipinas na si Catriona Gray bilang Ms. Universe 2018 dahil sa natatangi nitong ganda, talento, at ugali. Talagang nakamamangha ang mga Pilipino pagdating sa iba’t ibang larangan at halatang hindi papayag na magpahuli upang itayo at ipagmalaki ang dugong Pilipino. Sa kasalukuyan, ang mga katangiang ito ay halos sa mga Pilipino mo lamang makikita. Hindi naman ito maitatanggi dahil ang mga natatanging ganda, lakas, talino, at galing ng bawat isa sa atin ay nanggaling at namana natin sa ating mga ninuno na marapat lamang nating bigyan ng pasasalamat at patuloy na isalin sa mga susunod pang mga henerasyon nang sa ganoon ay matuklasan at maranasan nila kung paano maging isang tunay na Pilipino. Kaya naman, nakatutuwang isipin na nabibigyan natin ng panahon at araw ang ating mga bayani upang ipagdiwang at bigyan sila ng pagkilala bilang isang bayani ng Pilipinas. Isa na rito si Lapu-lapu na kinikilalang unang bayaning Pilipino matapos niyang manalo sa Mactan laban kay Magellan. Kasabay ng ika-500 anibersaryo ng pagkapanalo natin sa Mactan, sabay-sabay nating ipagmalaki na tayo ay mga Pilipino. **—END—** After reading the whole context, you can leave your comment even it is negative comments, I'm not expecting to win this but I want to improve it. *If you are the judge, are you satisfied with this and do you think that the content is related on the theme? Thank you!*