Sa unang pag lapat ng katawan kong pagal,
Sa higaang yari sa kahoy at bakal,
Agam agam ko ay unti unting dumatal
Kasabay ng dasal na aking inuusal.
Unti unting pumalaot sa dako paroon,
Ang munti kung diwa ay tila umayon,
Sa mundong pinasok, pilit tinutunton
Ng aking imahinasyong kusang bumabalong.
Nakita kita, nakita ko rin sila,
May kasamang iba ako ay hindi kilala,
bigla pa ngang landas natiy nagsanga
Ngunit tila hangin lang, ni hindi niyo nakita.
Sa muling paghakbang ko ako ay napadpad
Sa mundong maingay at puno ng lagablab
Mga katawang tila nililipad
Sa saliw ng tugtog na sadyag mapag hangad.
Lumabas na ako hindi ko nakaya,
Mapanghamong tukso sa aking mga mata
Tila nang aakit na ako ay sumama
Sa daloy ng agos na nagpapasaya
Muli akong humkbang,nagpatuloy sa paglakbay,
Biglang nagkakulay my humawak sa aking kamay
Ng ako'y tumunghay, ngiti mo ang sumilay
Tila nagsasabing ikaw ay kasabay.
habang naglalakad tayo ay napadpad
Sa isang hardin na puno ng bulaklak
mga ibOng pipit na gumaganyak
Na tyO ay sumayaw at unti unting umindak.
Dahan dahan tayong naglapit ng kusa
mga mata natiy tila naparalisa
Sa pagtitig sa isat isa ng walang sawa
Tila sinasabing tayo ay nakatadhana.
Malapit na nuon, malapit ng magtagpo,
Kukunting espasyo na lang ang nag lalayo
Sa ating katawang kapwa sumusuyo
Sa saliw ng musikang dulot ng ating puso.
Dahan dahan pa sa unang pag galaw
Tila ninanamnam ang bawat himaymay
Sa saliw ng tugtog mula sa kapitbahay
Yuon pala'y ginigising na ako ni inay.