Join 92,196 users already on read.cash

Pagpapahalaga sa sariling wika...

10 17
Avatar for JulianaF
Written by   47
9 months ago
Topics: Filipino

Magandang araw sa inyong lahat lalo na sa mga kapwa kong Pilipinong manunulat, kaibigan at kakilala ko dito. Bilang ang buwan ng wika ay ipagdiriwang sa buwan ng Agosto, sa kauna-unahang pagkakataon ako po ay magsusulat ng aking artikulo sa wikang Filipino. Ang mga salitang aking gagamitin ay Tagalog.

Mula pa noong ako ay nasa elementarya pa lamang, inaabangan ko na po talaga ang pagsapit ng buwan ng Agosto sapagkat ako'y natutuwa at nagagalak sa taunang selebrasyon ang Buwan ng wika. Pag ganitong okasyon merong isang araw na nilalaan ang aming paaralan para makilahok ang aming mga magulang sa mga palaro at ibat ibang patimpalak na ginaganap kapag buwan ng wika. Kanya kanyang dala ang bawat pamilya ng sari saring pagkaing pinoy mapa ulam man yan o kakanin, mga gulay at prutas. Tulong tulong din ang mga magulang at magaaral para sa pagpapaganda ng kanilang mga silid aralan.

Gaano nga ba kahalaga ang buwan ng wika?

Bilang isang Pilipino, isang mag-aaral mahalaga sa akin ang buwan ng wika, sapagkat ramdam na ramdam ko ang pagbabalik tanaw sa ating napakagandang kultura. Gaya na lamang ng pagbigkas sa ating wika, ang pagbigay pugay sa mga taong nakipaglaban noon para sa ating kalayaan. Nagkaroon tayo ng sariling pagkakilanlan dahil din sa ating wikang Filipino. Sino ba ang hindi mabibighani sa mga sayaw tulad na lamang ng tinikling, singkil, pandanggo sa ilaw, kuratsa at iba pa. Pag dating naman sa palaro gustong gusto ko iyong pabilisan sa kadang kadang at palo sebo.

Tinikling, larawan mula sa Griots Republic

Pero ng dumating ang pandemyang halos kinakatakutan ng lahat, nahinto po ang mga pagdiriwang na gaya nito bagamat meron naman kahit paanu iyon nga lamang ay "online" o pag gamit sa makabagong teknolohiya para maipagpatuloy ang pagaaral. Malungkot sapagkat kinagisnan na ng pilipinong magaaral ang ganitong okasyon. Subalit wala po tayong magagawa dahil para naman ito sa kaligtasan ng lahat ng mag-aaral.

Naalala ko tuloy ang isang linya na nasa liriko ng kanta ni Florante na "Ako'y isang pinoy" ito naman ay hango mula sa pangaral ni Gat Jose Rizal na ang hindi marunong magmahal sa sariling wika ay higit pa ang amoy sa mabahong isda. Kaya huag nating ikahiya ang ating sariling wika bagkos ipagmalaki natin ito kahit kanino man. Maaring sa mga bagong henerasyon ng mga kabataan ay tila wikang banyaga na ang nakasanayan. Hindi na ako lalayo pa sapagkat ang aking nakababatang kapatid ay hindi nakikipagusap ng Filipino sa amin dahil mas sanay siya sa wikang Ingles at Chinese. Gayunpaman ay lagi namin pinapaalala sa kanya na huag isantabi o bigyang halaga ang pagsalita ng sariling wika dahil isa kang Pilipino. Kaya naman ngaung selebrasyon ng kanilang buwan ng wika siya ay aming napakanta ng isang awiting mula sa likha ni Maestro Levi Celerio na ang pamagat ay "Ang Pipit".

Aaminin ko, kahit ako ay hirap sa pagsusulat ng artikulo kapag wikang Filipino kaya paumanhin po sa aking mga kababayan kung meron man kamalian ang ibang gamit kong salita.

PS: To my foreign friends and readers, this is my first article here written in Filipino language as my way of giving value and respect to my native language Filipino as we are celebrating "buwan ng wika" (Language Month) every month of August. Wika is a Filipino word which means Language. My article talks about how we value our own language. And I also mention about the different filipino dances and games during this celebration.

  • Lead image is from Steemit

  • Tinikling photo is from Griots Republic

  • Gat Jose Rizal " Ang hindi marunong magmahal sa sariling wika ay higit pa ang amoy sa mabahong isda".

9
$ 1.60
$ 1.55 from @TheRandomRewarder
$ 0.05 from @ExpertWritter
Sponsors of JulianaF
empty
empty
Avatar for JulianaF
Written by   47
9 months ago
Topics: Filipino
Enjoyed this article?  Earn Bitcoin Cash by sharing it! Explain
...and you will also help the author collect more tips.

Comments

Importante talaga na kahit isang beses ay ipagdiwang natin ang sariling wika natin. Nakakatakot baka dumating ang panahon na kahit tayo mismong mga Pilipino ay hindi kilala ang sariling atin.

$ 0.02
8 months ago

Totoo po un lalo na mga nasa elementarya ngaun mas nagugustuhan pa mag english keysa tagalog. Sana nga laging ipaalala na maganda nmn may alam kang ibang wika pero huag naman kalimutan ang sariling atin.

$ 0.00
8 months ago

Kahit isang sayaw wala akong alam. Kung may celebration noon tungkol sa buwan ng wika, nasa gilid lang ako nanonood. Mahiyain kasi ako kaya ang resulta walang nalalaman. Isa pa wala akong talent sa pagsasayaw kaya hindi din ako sumasali sa ganyan. Yung ate ko lang ang mahilig sa mga ganyang sayaw.

$ 0.02
9 months ago

Ako din po hindi ako marunong sa mga ganyang sayaw, sa palaro lng ako sumasali hehe.

$ 0.00
9 months ago

Kahit ako kaka gamit ko ng wikang ingles eh nahihirapan na din ako magsulat gamit wikang tagalog haha gusto ko mag sulat gamit wikang tagalog habang di pa huli or tapos ang buwan ng wika. 🤧 Pero napagdesisyonan kong sa katapusan nalang.

Yung tinikling talaga naalala ko din nung nagsayaw akong ganyan, naipit paa ko isang beses sa kawayan at di ako ganon kagaling sumayaw noon ng ganyan.

$ 0.02
9 months ago

Hindi ko nasubukan sumayaw ng tinikling sis medyo kaliwa talaga lahat ang paa ko pagdating sa sayawan.

$ 0.00
9 months ago

Ako sa tinikling lang talaga diko kaya naiipit paa ko talaga tsaka dahil dyan eh umalis ako or di ako sumali sa field demo namin dahil ganyan ung theme nila 🤣

$ 0.00
9 months ago

I remember dancing them all during my elementary days. Ang saya lang maalala yun mga sayaw na yan na parte ng paglaki mo.

$ 0.02
9 months ago

Buti ka pa sis ako medyo hirap ako pagdating sa folkdance kc kelangan talaga siya ng grace wala talaga ako nun hehe.

$ 0.00
9 months ago

Wala din ata akong grace sis hahaha, pero gusto ko lang sumayaw. Ang naalala ko yun carinosa.

$ 0.00
9 months ago