0
19
Dalawang taon na ika'y di nasisilayan
Sa mundong ibabaw na may kadiliman
Pilitin man ang sarili'y aliwin
Iyong presensya pa rin ang inaaatim.
Dalawang taon nang hindi mapakali
Lungkot ay di maikubli
Pagkawala mo'y pilit iwinawaglit
Iniisip na ika'y nawala lang nang saglit.
Hangarin ma'y aming balikan
Masayang alaalang naipundar
Pighati kailanma'y di mapapawi
Tambakan man ng kayamanang di mapasubali.