@Hung 2 November 2022 more from that month

從傳銷陷阱到MOTM 由早幾年踢史篤城都踢唔掂嘅「輸波莫亭」，再到第二年降班後竟然可以升LV 踢PSG嘅「傳銷陷阱」，繼而再過檔拜仁慕尼黑做「大後備殺手」，已經見識到卓普慕亭經理人嘅表現，遠比佢自己喺球場嘅表現出色。 但係自從利雲出走，本屬大後備嘅佢突然多返機會，近況仲要著晒火，近9場入8球，連續6場比賽有入波，包括聯賽、盃賽同歐聯，連MOTM 都拎埋，當日嘅傳銷陷阱突然變成「入波莫亭」。 就算佢近況幾好，普遍球迷眼中佢都只係廖化當先鋒嗰種level，長遠嚟講都唔會靠佢搵食，但至少過去呢個月嘅表現，佢都叫打出應有嘅身價波，為自己爭一口氣。