@Hung 4 December 2022 more from that month

超能使者｜結局阿鏈犧牲救同伴 監製：佛家+《西遊記》建構故事 https://www.mytvsuper.com/tc/scoopplus/entertainment/e-news/5902991554318?utm_source=fbpost&utm_medium=social&utm_campaign=enews 台慶劇《超能使者》圓滿落幕，2號晚播出嘅大結局高潮迭起，當中黑幫大佬 賀慶隆 歐瑞偉Au Siu Wai 嘅終極復仇之戰、同埋阿鏈 陳展鵬 Ruco Chan 逆轉時光「一死救全家」，亦掀起熱烈討論。最後一集劇情，講述阿鏈細佬 鍾孝添 @黃庭鋒 慘被賀慶隆脅持為人質，喺佢威脅下，威仔 沈震軒 Sammy Sum official 被逼「發功」傷害阿鏈同高勇 陳山聰 。 見到兄長阿鏈被糟質至吐血倒地，孝添終醒覺並自我犧牲。而唔再受牽制嘅「超能使者」亦出全力反擊，Open姐 劉穎鏇 更型爆飛身膝撞兇徒。而當阿鏈、高勇同威仔欲逃離現場之際，賀又再次殺出仲向佢哋連開多槍，阿鏈即以「時光倒流」令兩位兄弟重生，又以「停頓時間」將賀嘅槍頭反指向自己，最終令其「自食其果」中槍身亡。 可惜阿鏈同高勇都因為異能後遺症發作命危，威仔用盡最後一口氣將元氣傳輸予兩人後不幸離世。之後阿鏈、高勇分別向Q姨 唐詩詠 同Open姐求婚，但係喺大喜之日，兩位新郎哥嘅異能後遺症再次致命性發作，Q姨奔赴阿鏈身邊時遇上嚴重車禍。 目擊愛侶被撞飛嘅阿鏈為救心中深愛，激發出前所未有嘅巨大「時間倒流」能力，又將日子扭轉至「6月6日6時6分6秒」大型車禍之前，迅速老化嘅佢喺人生僅餘嘅時間，向一班已忘記「過去」嘅使者發出遺言片段同合照，滿滿洋蔥迫出眼淚。 不過最強勁「洋蔥」尚在後頭，Q姨睇完短片後發現已老死街頭嘅阿鏈，當佢輕拍對方時，仲喚起兩人共同經歷過嘅苦與樂畫面，此情此景唔止令Q姨落淚，更令唔少觀眾都大嘆感人呀。 喺《超能》首集，5位主角分別坐上「亡命」小巴同的士，仲喺6月6日6時6分6秒遇上大型車禍，繼而激發出唔同嘅超能力，唔少觀眾都一直好奇「666」當中嘅玄機。而監製 文偉鴻 受訪時，就親自拆解「6」之謎，原來一切創作靈感都係源自神話故事《西遊記》。 而由佢製作嘅經典之作《使徒行者》同《超能使者》都以「使者」命名，前者圍繞住「苦練修行」嘅故事，而原來今次《超能》一樣唔例外，佢話：「呢套劇係延續過去作品『苦練修行』嘅理念，我本身對《西遊記》 好有興趣，但呢個故事大家已經見慣見熟，所以今次用時裝同超能力去重新包裝。」 至於魔鬼數字「666」嘅出現，Jazz就話係引自佛學「真佛無形，真法無相 」，並解釋道：「劇中上天透過『魔鬼』嘅形態要角色試煉，想睇吓一班使者可唔可以抵擋誘惑、修成正道。 點知啲超能力原來可以咁恐怖，但佢哋最終都冇選擇做壞事，本來貪錢又怕死嘅阿鏈仲犧牲小我、救晒所有人，其實成魔成佛都係取決於你心中有冇愛。」 劇集播放時，有觀眾就一直猜測有否第六個或以上嘅超能使者，Jazz話：「其實『6月6日6時6分6秒』已經暗示咗係五個6字，代表有五個超能使者接受修行。」佢仲非常感激觀眾一直支持《超能使者》呀。 #超能使者 #大結局 #陳展鵬 #黃庭鋒 #沈震軒 陳山聰（Joel 1002) 劉穎鏇 Tiffany Lau 唐詩詠 Natalie tong 文偉鴻 Jazz Boon #苦練修行 #西遊記