Pahinga Muna

2 86
Avatar for Firenze
3 years ago

Gusto mo munang magpahinga,

Gusto mo munang huminga

Kasi parang nakakapagod na

Yung sabay-sabay at paulit ulit na problema

Gusto mo munang magpahinga

Gusto mo munang ipahinga ang mata mo,

ang tenga mo, ang puso mo, ang buong ikaw

sa ingay at gulo ng mundo

Nakakapagod na

Nakakapagod na mag panggap na okay ka

Nakakapagod na maging matatag at idaan sa tawa

Para lang mapakita mong matapang ka

Gusto mo muna magpahinga

Kasi nakakapagod din minsan ang mundo

Yung para bang kahit anong gawin mong tayo

Ibabagsak ng kalawakan ang lahat para masubukan ang tibay mo

Masyadong makulay ang mundo mo

Puno ng adventure, saya at lungkot ang kulay nito

Pero okay lang kasi di ka nabubuhay para mabuhay lang

Kailangan mo lang ng isang tahimik na espasyo

Gusto mo muna magpahinga

Hindi para sumuko na

Kundi para mabakante muna ang isip at puso

Sa mga responsibilidad na binato ng mundo

Minsan mapagbiro din ang problema,

Ayaw nila ng paisa isa

Gusto lahat sila ay bida

Kaya minsan gusto mo na lang talikuran na

Kinalimutan mo ang dating ikaw

Lumayo ka para di na sya matanaw

Pero kahit gaano ka pa naging matibay

Dadalawin ka pa rin nya para ipaalala sayo na

Okay lang umiyak, okay lang huminto

Okay lang hindi maging okay

Na okay lang mag pahinga

Basta bukas pag gising mo dapat okay ka na

Okay lang na walang nakaalam

Okay lang na walang nakarinig

Dahil lahat ng tao may kanya kanyang dinadala

At hindi lahat maiintindihan ka

Walang magliligtas sayo kundi sarili mo

Hindi sya, hindi sila, kundi ikaw

Kaya okay lang yan, magpahinga kung gusto ng pag hinga

Basta bukas pagbangon mo, sana magaan na yang nararamdaman mo.

Tatawa ka na ulit ng walang halong pagpapanggap,

Alam kong matibay ka na, pero tibayan mo pa

Matatapos din ang lahat, pahinga lang,

Tas tuloy ulit ang laban sa buhay bukas.

4
$ 0.75
$ 0.40 from @TheRandomRewarder
$ 0.15 from @bbyblacksheep
$ 0.10 from @bbghitte
+ 2
Sponsors of Firenze
empty
empty
empty
Avatar for Firenze
3 years ago

Comments

Loved the poem! 💚 Yes, lahat tayo gusto munang huminga at magpahinga ate. Isasama ko sa list ko nang isusulat ang tula, just like before hehe

$ 0.00
3 years ago

Learn to rest but never quit. Fight, fight, fight. Ako quitter ako kadalasan. Hahaaha. Sa dami na ng pinagresignan ko. Ewan ko ba bakit ang dali-dali lang sa akin magresign kahit na bills are waving.

$ 0.00
3 years ago