@Fherdz 11 March 2022 more from that month

Alam niyo ba na sa pangaraw-araw nating buhay ay sumasailalim tayo sa gera? Hindi dahil madalas tayong nakikipagtalo sa mahal natin sa buhay. Lol. Pero dahil mismo sa sarili nating puso at buhay ay merong spiritual warfare na nangyayari. Kung wala pa tayo sa Panginoon ay ang gera natin ay ang pagpigil ni Satan na makilala natin ang Panginoon sa pamamagitan ng pagbibigay ng mga kasinungalingan sa atin para patuloy natin isara ang mata, isip at puso natin sa Panginoon. Kung nasa Panginoon naman na tayo ay ang gera sa buhay natin ay kung sino ba ang magiging hari ng buhay natin, kung sino ba ang masusunod sa buhay natin o ang sarili parin ba natin o ang Panginoon. Kung wala ang Panginoon sa atin ay wala tayong tunay na kapayapaan. Parang lagi nating nararamdaman na may kulang sa atin. At kung tayo ay nasa Panginoon anuman ang ating pinagdadaanan magkakaroon tayo ng kapayapaan sa ating puso at isipan. Kahit na sobrang tindi at patong patong ang problemang kinakaharap natin. Ibigay mo ang iyong buhay kay Hesus. Itigil ang pagsusumikap sa iyong sarili. Si Hesus lamang ang makapagbibigay sa iyo ng kapayapaang hinahanap mo. Mapagpalang araw sa ating lahat.🙃