Pagtatagpo sa magkabilang dulo

Bilog daw ang hugis o korte ng mundo. Ngunit patuloy ang paghahangad mga tao sa pagtuklas at paghahanap ng mga sulok at lagusang pumipigil at kumukulong dito. Minsan ay sila ang mga nag-uunahan patungo sa tuktok ng isang kinabukasang kahit malabo at malayong makamit ay patuloy na pipiliting maabot. Ang iba naman ay susubuking itulak pabalik ang turo ng kamay ng orasan, lumukso paatras sa panahon upang muling magsimula, magbago at itama ang mga maling desisyon sa buhay. Magkaiba man kung maituturing at sadyang magkasalungat, ngunit landas na tatahakin nila ay magtatagpo sa huli. Maghahawak ng mga kamay, tatakbo nang mabilis at walang mintis patungo sa paraisong ninanais at hindi mabibigo